رف پرەزيدەنتى ۆلاديمير پۋتين مەن لدپر كوشباسشىسى ۆلاديمير جيرينوۆسكي.

اتى شۋلى ۆلاديمير جيرينوۆسكي 2018 جىلى وتەتىن پرەزيدەنت سايلاۋىنا قاتىساتىنىن مالىمدەدى.

قاراشا ايىنىڭ 20-سى كۇنى لدپر جوعارعى كەڭەسىنىڭ كەزەكتى وتىرىسىندا پارتيا مۇشەلەرى ءبىر اۋىزدان الدا كەلە جاتقان پرەزيدەنت سايلاۋىنا پارتيا اتىنان ۆلاديمير جيرينوۆسكيدى ۇسىنعان. ەگەر جيرينوۆسكي بۇل جولعى سايلاۋدا دا جەڭىلەتىن بولسا، وندا ول رەسەي تاريحىندا پرەزيدەنتتىككە ماڭگىلىك ۇمىتكەر رەتىندە قالادى. سەبەبى بۇل وسىعان دەيىن بەس رەت پرەزيدەنت سايلاۋىنا قاتىسقان. الدا كەلە جاتقان پرەزيدەنت سايلاۋى ونىڭ ساياسي ومىرىندەگى التىنشى پرەزيدەنت سايلاۋى.

ۆلاديمير جيرينوۆسكي 1946 جىلى 25 ءساۋىر كۇنى الماتى قالاسىندا دۇنيەگە كەلگەن. ول فيلوسوفيا عىلىمدارىنىڭ دوكتورى، ساياساتكەر، رەسەي مەملەكەتتىك دۋماسىنىڭ بارلىق شاقىرتىلىمدارىنىڭ دەپۋتاتى، لدپر پارتياسىنىڭ نەگىزىن قالاۋشى.  جيرينوۆسكي 1991 جىلعى پرەزيدەنت سايلاۋىندا 7,81 پايىز، 1996 جىلعى سايلاۋدا 5,78 پايىز، 2000 جىلعى سايلاۋدى 2,7 پايىز، 2008 جىلعى سايلاۋدى 9,35 پايىز، 2012 جىلعى سايلاۋدا 6,22 پايىز داۋىس جيناعان. ءبىر سوزبەن ايتقاندا جيرينوۆسكي قازاقستاندىق پرەزيدەنتتىككە ماڭگىلىك ۇمىتكەر مەلس ەلەۋسىزوۆتىڭ رەسەيلىك نۇسقاسى.

“The Qazaq Times”