فوتو: Sputnik تادجيكيستان

تاجىكستان ەسترادا جۇلدىزدارى ەل پرەزيدەنتى ەمومالي راحمون جايىندا ءان شىرقادى.

قاراشا ايىنىڭ 20-سى كۇنى وتكەن جوعارى كەڭەستىڭ 25 جىلدىعىنا وراي ۇيىمداستىرىلعان ءىس-شارادا تاجىكستان ەسترادا جۇلدىزدارى سۋرايە كوسيموۆا، شابنام سۋرايە فارزونا حۋرشەد جانە فاريدۋن حۋرشەد ەمومالي راحمونعا ارناپ ءان شىرقاعان. اندە: «ءسىزدىڭ بيلىك باسىنا كەلۋىڭىزبەن بارلىعى نۇرلاندى. ءسىز كۇن نۇرى سياقتىسىز. ءسىز ءبىزدىڭ ۇستازىمىزسىز. ءسىزدىڭ نۇرىڭىز ءار ادامدا بار» - دەلىنگەن.  اننىڭ ءسوزىن تاجىكستان ىشكى ىستەر ءمينيسترى رامازون راحيمزودا حامرو جازعان.

ەل باسشىسىنا ءان ارناۋ ءبىزدىڭ ەلىمىزگە دە تاڭسىق ەمەس. وسىعان دەيىن ءبىزدىڭ ەلىمىزدىڭ ەسترادا جۇلدىزدارى بىرنەشە رەت قازاقستان پرەزيدەنتى نۇرسۇلتان نازارباەۆقا ءان ارناعان. تاۋەلسىزدىك العان 26 جىلدا قازاق كومپوزيتورلارى موتسارت، شۋبەرت، باح سياقتى كلاسسيكالىق تۋىندىلاردى دۇنيەگە اكەلمەسە دە، «ەلباسى - ەلدىڭ تۇتقاسى»، «مەنىڭ ەلباسىم»، «نۇر اعا» سياقتى اندەردى شىعارعان.

“The Qazaq Times”