داماسك قالاسىن بومبالاۋ كەزىندە ءسۇريا ۇلتتىق قۇراماسىنىڭ سپورتشىلارى كوز جۇمدى

داماسك قالاسىن بومبىلاۋ كەزىندە دزيۋدودان ءسۇريا ۇلتتىق قۇراماسىنىڭ ەكى سپورتشىسى كوز جۇمدى – دەپ حابارلايدى SANA اقپارات اگەنتتىگى.

جەرگىلىكتى باق وكىلدەرىنىڭ مالىمەتىنشە، ەل استاناسىن «يسلام مەملەكەتى» لاڭكەستىك ۇيىمى سودىرلارى اتقىلاعان. ولار بۇل جولى مەملەكەتتىك عيماراتتاردى ەمەس ادام كوپ تۇراتىن تۇرعىن ۇيلەردى بومبالاعان. سالدارىنان 8 ادام كوز جۇمىپ، بىرنەشەۋى جاراقات العان. قيراندىلار استىندا قالعانداردىڭ اراسىندا ەكى بالا مەن دزيۋدودان ءسۇريا ۇلتتىق قۇراماسىنىڭ ەكى سپورتشىسى بار.

ەستەرىڭىزگە سالايىق، بۇعان دەيىن قاراشا ايىنىڭ 19-ى كۇنى تەرروريستەر داماسك قالاسىنىڭ ماززە 86 ىقشام اۋدانىن، ال 20-سى كۇنى رەسەي ەلشىلىگىن بومبالاعان بولاتىن.

“The Qazaq Times”