فوتو: Kapital.kz

ەندى قازاقستاندا ءتورت بانكتىڭ كليەنتتەرى ءبىر ءبىرىنىڭ بانكوماتتارىنان 500 مىڭ تەڭگەگە دەيىن قاراجات شەشىپ الا الادى. بۇگىن «Kaspi Bank» اق،«ForteBank»اق، «ەۋرازيالىق بانك» اق جانە «سبەربانك» اق ەب جەرگىلىكتى بانكومات جەلىلەرىندە كليەنتتەردىڭ سەرىكتەستىك شارتتارى بويىنشا اقشا الۋى تۋرالى كەلىسىم جاسادى.

ءتورت بانكتىڭ كليەنتتەرى كەلىسىمگە قاتىسۋشى وزگە بانكتىڭ بانكوماتىنان ءبىر ترانزاكتسيا كەزىندە 200 مىڭ تەڭگەگە دەيىن جانە ءبىر تاۋلىكتە 500 مىڭ تەڭگەگە دەيىن الا الادى.

كەلىسىم كليەنتتەر ءۇشىن قازاقستان بويىنشا 4 بانككە تيەسىلى 2 500-دەن استام بانكوماتتان قولما-قول اقشا الۋدى وڭايلاتادى.

كەلىسىمگە قاتىسۋشى ءار بانكتىڭ ءوز كليەنتتەرى ءۇشىن اقشا الۋدىڭ جەكە تالاپتارى ساقتالادى. ءتورت بانكتىڭ تولەم كارتالارىن 3,5 ميليوننان استام قازاقستاندىق قولدانادى.

“The Qazaq Times”