گەرمانيا كانتسلەرى ساۋد ارابيا ساپارى كەزىندە. فوتو: spiegel.de-

گەرمانيا مەن ساۋد ارابياسى اراسىندا كىربەڭدىك ءورشي ءتۇستى. ساۋد ارابياسى سەنبى كۇنى ءوزىنىڭ گەرمانياداعى باس ەلشىسىن قايتارىپ الدى. بۇل قادامىن گەرمانيا ءسىم-ءنىڭ ساۋد جۇرتىن ليۆان ماسەلەسى بويىنشا ايىپتاعانىنا قارسى رەاكتسيا ەكەنىن انىق اڭعارتتى. بۇل تۋرالى فرانتسيا اقپارات قۇرالدارىنا سىلتەمە جاساي وتىرىپ «شينلاڭ» اقپاراتتىق سايتى حابارلادى.

وسىدان بۇرىن گەرمانيا ءسىم باسشىسى زيگمار گابريەل ساۋد ارابياسىنىڭ ليۆان پرەمەر-ءمينيسترى سااد حاريريگە قاراتقان ارەكەتىن ايىپتاپ، ونى ءوڭىر تىنىشتىعىنا نۇقسان كەلتىرەتىن جۇگەنسىز ارەكەت دەپ سىنعا العان. ساۋد رەجيمىنىڭ وسى قاتارلى ارەكەتتەرىنە دە نارازىلىعىن بىلدىرگەن. دەگەنمەن، گەرمانيانىڭ بۇل سىنىن ساۋد جۇرتى كوتەرە المادى. سەنبى كۇنى گەرمانياداعى ەلشىسىن قايتارىپ الۋىمەن بىرگە، ريادتاعى گەرمانيا ەلشىسىن شاقىرىپ قارسىلىق نوتاسىن ۇسىندى.

گەرمانيا ساۋد ارابياسىنىڭ بۇل ارەكەتتەرىنەن كەيىن ورتا شىعىس ماسەلەسىنە الاڭداۋشىلىق ءبىلدىرىپ، مالىمدەمە تاراتتى.

“The Qazaq Times”