قازاقستان كەدەي ەلدەر تىزىمىنە ەندى

شۆەيتساريالىق Credit Suisse ءىرى كونگلومەراتى Global Wealth Report 2017 اتتى الەم ەلدەرىنىڭ  بايلىعى تۋرالى ەسەپتى جاريالادى.

ەسەپ بويىنشا قازاقستاندا ەرەسەك ادامداردىڭ جان باسىنا شاققانداعى ءال-اۋقات كورسەتكىشى 5 مىڭ دوللاردان كەم بولعان. وسىلايشا، مەملەكەت كەدەي ەلدەردىڭ تىزىمىنە ەندى.

ەسەپتە كورسەتىلگەندەي بۇل تىزىمگە قازاقستاننان بولەك بۇرىن كسرو  قۇرامىندا بولعان مولدوۆا، ۋكراينا، بەلارۋس، قىرعىزستان ەلدەرى كىرگەن. بانگلادەش، نەپال، كامبودجا، مىسىر جانە شري-لانكا دا وسى تىزىمدە. سونداي-اق، انگولا، ەكۆاتورلىق گۆينەيا جانە گابوندى قوسپاعاندا بارلىق ورتالىق افريكا ەلى كەدەي ەلدەر قاتارىندا.

ال ەرەسەك ادامداردىڭ الەۋەتى 5000-25000 دوللاردان اساتىن ەلدەر تىزىمىندە مىنا مەملەكەتتەر بار: ۇندىستان، رەسەي، برازيليا، يندونەزيا، فيليپپينى، تۇركيا، ارگەنتينا، بوليۆيا، كولۋمبيا، ەكۆادور، ەل-سالۆادور، مەكسيكا، پاناما، پاراگۆاي، الجير، يوردانيا، ليۆان، ماروككو جانە تۋنيس، البانيا، ارمەنيا، ازەربايجان، بوسنيا، گرۋزيا، ماكەدونيا، مونعوليا.

الەۋەتى 25-100 مىڭ دوللاردان اساتىن ەلدەر مىنالار: قىتاي، ساۋد ارابياسى، مالايزيا، ليۆيا، پەرۋ جانە چيلي.

ۇلكەندەردىڭ الەۋەتى 100 مىڭ دوللاردان اساتىن ەلدەر: اقش، كانادا، گەرمانيا، ۇلىبريتانيا، شۆەيتساريا، فرانتسيا، بەلگيا، نيدەرلاندى، يتاليا، يسپانيا، يرلانديا، شۆەتسيا، نورۆەگيا، فينليانديا، اۆستراليا، جاڭا زەلانديا، جاپونيا، وڭتۇستىك كورەيا.

جالپى تاۋەلسىزدىك العالى بەرى قازاقستاننىڭ ەكونوميكالىق جاعدايى جاقسارعان ەمەس. شيكىزاتقا باي ەل بولا تۇرا حالىقتىڭ تۇرمىسى ورتا دەڭگەيدە. شەتەلدىك ساراپشىلار مۇنى "مۇنايعا سەنگەندىكتەن باسقا پايدالى ستراتيگيالىق جوسپاردىڭ بولماۋىمەن" تۇسىندىرەدى.

“The Qazaq Times”