فوتو: مك

المازبەك اتامباەۆ رەسەي باسشىسى ۆلاديمير پۋتينمەن كەلىسسوز جۇرگىزۋگە سانكت-پەتەربۋرگ قالاسىنا اتتاندى – دەپ حابارلايدى قىرعىزستان پرەزيدەنت اكىمشىلىگى ءباسپاسوز قىزمەتى.

بۇگىن رەسەيدىڭ مادەني استاناسى سانكت-پەتەربۋرگ قالاسىندا ءVى حالىقارالىق مادەنيەت فورۋمى باستالادى. وسىعان بايلانىستى بۇعان دەيىن ۆلاديمير پۋتين المازبەك اتامباەۆتى فورۋمعا قاتىسۋعا ارنايى شاقىرعان. فورۋم اياسىندا ەكى ەل باسشىلارى قىرعىزستان مەن رەسەي اراسىنداعى قارىم-قاتىناس پەن ستراتەگيالىق ارىپتەستىك جايىندا ءسوز قوزعايدى دەپ كۇتىلۋدە.

ەستەرىڭىزگە سالايىق، بۇعان دەيىن قاراشا ايىنىڭ 16-سى كۇنى ۆلاديمير پۋتين قىرعىزستاننىڭ جاڭادان سايلانعان پرەزيدەنتى سوورونباي جەەنبەكوۆتى تۋعان كۇنىمەن قۇتتىقتاپ، الداعى ۋاقىتتا بىرگە جۇمىس ىستەۋگە دايىن ەكەندىگىن ءبىلدىرىپ حات جولداعان بولاتىن.

“The Qazaq Times”