قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆ ورتالىق ازيا ەلدەرىنە بايلانىستى پىكىر ءبىلدىردى.

«استانا كلۋبىنىڭ» ءۇشىنشى وتىرىسىندا نۇرسۇلتان نازارباەۆ ورتالىق ازيا ەلدەرى جايىندا مالىمدەمە جاسادى. ول وندا: «ءبىزدىڭ تاريحىمىز، ءدىنىمىز، مادەنيەتىمىز ءبىر. قۇداي بىزگە ءبىر-بىرىمىزگە كومەكتەسۋگە، ايماق قاۋىپسىزدىگىن قامتاماسىز ەتۋگە، بىرگە بولۋعا جازدى. قازىر وسىعان بايلانىستى وزبەكستاندا كوپتەگەن وزگەرىستەر بولىپ جاتىر. مەن بۇنى سىرتتاي باقىلاپ وتىرمىن. وسى جۇمىستاردىڭ ناتيجەسىندە قازاقستان مەن وزبەكستان اراسىنداعى ساۋدا اينالىمى 30 پايىزعا ءوستى. ەكى ەلدىڭ حالقى ارالاسۋدا. ءبىز قولىمىزدان كەلگەنشە كومەكتەسۋدەمىز. بۇنداي وزگەرىستەر تاجىكستاندا دا، تۇركىمەنستاندا دا جۇرگىزىلۋدە. جاقىندا قىرعىزستاندا پرەزيدەنت سايلاۋى ءوتتى. مەن ورتالىق ازيا بولاشاعىنا ۇلكەن سەنىممەن قارايمىن. ءبىز بىرگە بولۋىمىز كەرەك. ءبىزدى قۇداي قوسقان. بۇل بىرەۋگە قارسى بىرىگۋ ەمەس، بۇل ءبىزدىڭ مەملەكەتتەرىمىزدىڭ دامۋى مەن حالقىمىزدىڭ بولاشاعى ءۇشىن بىرىگۋ» - دەدى.

“The Qazaq Times”