قىتايداعى اۋا لاستانۋ. فوتو: Reuters.

گەرمانيادا ءوتىپ جاتقان كليمات وزگەرىستەرىنە بايلانىستى حالىقارالىق وتىرىستا، بىرىككەن ۇلتتار ۇيىمى 2017 جىلى اتموسفەرادا كومىر قىشقىل گازىنىڭ ء(CO2)بولىنىپ شىعۋى ارتىپ كەتكەنىن، بۇل ءتورت جىلدان بەرى بولماعان جاعداي ەكەنىن مالىمدەدى. بۇۇ-نىڭ مالىمەتىنە قاراعاندا، بۇعان سەبەپ بولعان جاعداي، قىتايدىڭ وندىرىسكە كومىردى كوبىرەك قولدانۋىنان بولعان. بۇل تۋرالى BBC ونلاين قىزمەتى حابارلادى.

زەرتتەۋشىلەردىڭ پىكىرىنە قاراعاندا، بۇل ءۇردىس جالعاسا بەرەتىن بولسا، 2020 جىلعا بارعاندا كومىر قىشقىلىنىڭ اۋاداعى مولشەرى ەڭ جوعارى شەككە جەتىپ، قايتالاي تىزگىندەلمەسە عالامدىق جىلىنۋدى تاڭقالارلىق جاعدايدا تەزدەتەدى ەكەن. كومىر قىشقىل گازىنىڭ اۋاداعى مولشەرى جىلىنا ءۇش پايىزعا جوعارلاۋ پروتسەسى 2014 جىلعا كەلگەندە تەجەلگەن ەدى. ودان كەيىن الەم ەكونوميكاسىنىڭ سايابىرسۋىنا بايلانىستى وندىرىستەردەن بولىنەتىن كومىر قىشقىل گازىنىڭ مولشەرى تومەندەي باستاپ ەدى. زەرتتەۋشىلەر قازىردىڭ وزىندە اۋاداعى CO2-ءنىڭ مولشەرى ەڭ جوعارى شەككە جەتتى دەپ بولجايدى.

بۇۇ جاريالاعان مالىمەتكە سايكەس، CO2-ءنىڭ مولشەرى 2017 جىلى 2 پايىزعا ارتىپ وتىر. وعان قىتاي ەكونوميكاسىنىڭ ءوسۋى مەن كومىردى كوپتەپ قولدانۋى سەبەپ بولعان. قىتايدا بولعان قۇرعاقشىلىقتان وزەن دەڭگەيلەرىنىڭ تومەندەپ، سۋ ارقىلى الىناتىن ەلەكتر قۋاتى ازايعان. بەيجىڭ بيلىگى ونىڭ ورنىن تولتىرۋ ءۇشىن جىلۋ ەلەكتر ستانتسيالارىندا كوپتەپ كومىر ىستەتكەن.

كەزىندەگى «پاريج كەلىسىمىندەگى» تالاپتار نەگىزىندە، اقش پەن ەۋروپا ەلدەرى كومىر قىشقىل گازىنىڭ ءبولىنۋىن ازايتتى. بىراق، كەلىسىمدە بەلگىلەنگەن شەككە دەيىن تومەندەتە المادى.

“The Qazaq Times”