فوتو: Res Publica

ومىربەك بابانوۆ «رەسپۋبليكا - اتا-جۇرت» پارتياسىنىڭ كوشباسشىسى قىزمەتىنەن كەتتى.

«رەسپۋبليكا – اتا-جۇرت» پارتياسىنىڭ ءباسپاسوز قىزمەتى تاراتقان مالىمەت بويىنشا، ومىربەك بابانوۆ بۇل شەشىمدى ءوز ەركىمەن قابىلداعان. ال بابانوۆتىڭ ءوزى قىزمەتتەن كەتۋىن «رەسپۋبليكا» پارتياسى مەن «رەسپۋبليكا – اتا-جۇرت» فراكتسياسىنىڭ الداعى ۋاقىتتا جۇمىلا جۇمىس ىستەۋىنە مۇمكىندىك بەرۋ ءۇشىن كەتكەندىگىمەن تۇسىندىرگەن.

ەستەرىڭىزگە سالايىق، قاراشا ايىنىڭ 4-ءى كۇنى قىرعىزستان باس پروكۋراتۋراسى ومىربەك بابانوۆتىڭ ۇستىنەن قىلمىستىق ءىس قوزعاعان بولاتىن. قازىرگى تاڭدا بابانوۆ قىرعىزستان اۋماعىندا ەمەس. ونىڭ پارتيالاس جاقتاستارىنىڭ سوزىنشە، ول پرەزيدەنت سايلاۋى اياقتالا سالىسىمەن رەسەيگە ەمدەلۋگە كەتكەن.

“The Qazaq Times”