وزبەكستان قازاقستاندا بولعان توتەنشە جاعدايلارعا بايلانىستى ينتەرنەتسىز قالدى.

«وزبەكتەلەكوم» كومپانياسىنىڭ ءباسپاسوز قىزمەتى تاراتقان مالىمەت بويىنشا، وزبەكستاننىڭ ينتەرنەتسىز قالۋىنا قازاقستان اۋماعىندا بولعان توتەنشە جاعداي سەبەپ بولعان. وسىعان بايلانىستى 7-8 قاراشا  كۇندەرى ەل اۋماعىندا ينتەرنەت ۋاقىتشا توقتاتىلعان. قازاقستاندىق «قازاقتەلەكوم» كومپانياسىنىڭ مالىمەتىنشە، قاراشا ايىنىڭ 7-ءسى مەن 8-ءى كۇندەرى وزبەكستان مەن قازاقستاننىڭ وڭتۇستىك ايماقتارىنا ينتەرنەت تاراتاتىن جەلىلەردە جوندەۋ جۇمىستارى جۇرگىزىلەتىن بولادى. سول سەبەپتى وزبەكستاننان بولەك وڭتۇستىك قازاقستان اۋماعىنداعى ارىس، وتىرار، ورداباسى ەلدى مەكەندەرىندە دە ينتەرنەت قىزمەتى ۋاقىتشا توقتاتىلعان.

«وزبەكتەلەكوم» كومپانياسى وزبەكستاندى تولىعىمەن ينتەرنەتپەن قامتاماسىز ەتەتىن ەلدەگى بىردەن-ءبىر كومپانيا. ول وزبەكستان اۋماعىندا حالىقارالىق تەلەكوممۋنيكاتسيا جەلىلەرىنە قوسىلعان جالعىز كاسىپورىن.

“The Qazaq Times”