فوتو: Atameken Business Channel

"قازاقمىس" كورپوراتسياسى Bank RBK-عا ينۆەستور بولۋى مۇمكىن. بۇل تۋرالى قر ۇلتتىق بانك توراعاسى دانيار اقىشەۆ مالىمدەدى. 

ونىڭ تۇسىندىرۋىنشە، بانكتى ساۋىقتىرۋ مودەلى بويىنشا اتالعان قارجى ينستيتۋتى كورپوراتسيا ەسەبىنەن 160 ملرد تەڭگەگە كاپيتالداندىرىلاتىن بولادى.

"ۇلتتىق بانك ۇكىمەتپەن جانە "قازاقمىس" كورپوراتسياسىنىڭ پوتەنتسيالدى ينۆەستورىمەن بىرىگىپ، ۆank RBK-نى ساۋىقتىرۋدىڭ كەشەندى شارالارى ازىرلەندى. وزدەرىڭىز بىلەتىندەي، بانكتە وتىمدىلىكتى قاجەتتى دەڭگەيدە قامتاماسىز ەتۋ بويىنشا قيىندىقتار تۋىندادى. وسىعان بايلانىستى بانكتىڭ كليەنتتەرگە تولەم تولەۋ قىزمەتى شەكتەلدى", - دەدى اقىشەۆ.

قارجى رەتتەۋشىسىنىڭ سوزىنشە، بانكتىڭ تۇراقتى دامۋىن قامتاماسىز ەتۋ ءۇشىن ينۆەستورلار قارجى ۇيىمىنىڭ بيزنەس-مودەلىن ودان ءارى جەتىلدىرۋدى ەسكەرەتىن بولادى.

بۇدان بولەك، بانكتى ساۋىقتىرۋ شارالارى اكتسيونەرلەر مەن باسقا دا تۇلعالارعا بەرىلگەن 600 ملرد تەڭگە كولەمىندەگى پروبلەمالى پورفەلىن باسقا ارنايى قارجى كومپانيالارىنا بەرۋدى كوزدەيدى.

اقىشەۆتىڭ سوزىنە سەنسەك، ەگەر Bank RBK بويىنشا وسى شارالار جۇزەگە اساتىن بولسا، بانكتەگى جاعداي تۇراقتالادى.

ايتا كەتەيىك، وسىدان بۇرىن Bank RBK-نىڭ تولەم جۇيەلەرىنە قاتىستى پروبلەمالار تۋىنداعان ەدى. كەيبىر بانك كارتاسىن قولدانۋشىدار اقشالارىن الا الماي جۇرگەندەرىن ايتقان. وسىدان كەيىن پەزيدەنت نۇرسۇلتان نازارباەۆ بانك جۇمىسى رەتتەلەتىنىن جانە كىنالىلەر جازالاناتىنىن ايتقان.

“The Qazaq Times”