بۇگىن Ranking.kz ساراپشىلارى ەلىمىزدە قارتايۋ كورسەتكىشىنىڭ وسكەنى تۋرالى حابارلادى. 2015-2016 جىلدار ارالىعىندا ءار 100 بالاعا 65 جاستان اسقان 26 ادامنان كەلەتىن. الايدا، مامانداردىڭ ايتۋى بويىنشا، قازىر  تۋ كورسەتكىشىنىڭ تومەندەۋىنە بايلانىستى ەلىمىزدەگى بۇل كورسەتكىش قارتايۋ يندەكسىنىڭ وسكەنىن كورسەتەدى. ايتا كەتەرلىك جاعداي، 2009-2014 جىلدارى قارتايۋ كورسەتكىشى 28,3-تەن 25,3 ادامعا دەيىن تومەندەگەن.

سونىمەن قاتار، ەلىمىزدە اۋىل حالقىمەن سالىستىرعاندا قالا تۇرعىندارىنىڭ قارتايۋ يندەكسى جوعارى. قالا تۇرعىندارىنىڭ قارتايۋ دەڭگەيىنىڭ ەڭ جوعارعى كورسەتكىشى سولتۇستىك قازاقستانعا تيەسىلى، ياعني 100 بالاعا شاققاندا جاسى 65-تەن جوعارى 62,2 ادامنان كەلەدى. ال، وسى كورسەتكىش اۋىل تۇرعاندارىنا شاققاندا سقو بويىنشا 53,3 ادامدى كورسەتىپ تۇر. ەڭ تومەنگى كورسەتكىش اتىراۋ وبلىسىندا، 14 ادامدى قۇرايدى.

الماتى قالاسىندا قارتايۋ كورسەتكىشى استاناعا قاراعاندا ەكى ەسە جوعارى. بۇل دەگەنىڭىز باس قالانىڭ جاستار قالاسىنا اينالىپ كەلە جاتقانىنىڭ تاعى ءبىر كورىنىسى بولسا كەرەك.

مادينا كەرىمقۇلوۆا

“The Qazaq Times”