قازاقستان رەسپۋبليكاسى ءدىن ىستەرى جانە ازاماتتىق قوعام مينيسترلىگى مەن «اتامەكەن» ۇلتتىق كاسىپكەرلەر پالاتاسى اراسىندا رەسپۋبليكالىق «اسار» ۇشجاقتى سەرىكتەستىك فورۋمىن وتكىزۋ كەزىندە  سەرىكتەستىك جونىندەگى كەلىسىمگە قول قويۋ ءراسىمى ءوتتى.

سەرىكتەستىڭ ماقساتى - سۋبەكتىلەرى مەن ولاردىڭ اسسوتسياتسيالارىنىڭ (وداقتارىنىڭ) كوممەرتسيالىق ەمەس ۇيىمدارمەن ءوزارا ءساتتى ءىس-قيمىلىن ۇيىمداستىرۋ سالاسىنداعى مىندەتتەر مەن فۋنكتسيالاردى ىسكە اسىرۋدا كۇشتەردى جۇمىلدىرۋ ارقىلى قازاقستان رەسپۋبليكاسىنداعى ازاماتتىق قوعام ينستيتۋتتارىن ودان ءارى دامىتۋعا سەپتىگىن تيگىزۋ.

سەرىكتەستىك اقپارات الماسۋ، ۇسىنىمدار جولداۋ، تالدامالىق شولۋلار، پرەزەنتاتسيالار، كەلىسىمدەر، شارتتار، حاتتامالار، قارارلار مەن وزگە قۇجاتتار جاساسۋ ارقىلى ىسكە اسىرىلاتىن بولادى. سونىمەن قاتار، جوبالار، سەمينارلار، كونفەرەنتسيالار، دوڭگەلەك ۇستەلدەر مەن بريفينگتەر ۇيىمداستىرۋ سياقتى ءوزارا ءىس-قيمىل تۇرلەرى قولدانىلۋى مۇمكىن.

سەرىكتەستىك تۋرالى كەلىسىمگە ءدىن ىستەرى جانە ازاماتتىق قوعام ۆيتسە-ءمينيسترى ابزال نۇكەنوۆ پەن «اتامەكەن» كۇپ باسقارما باسشىسىنىڭ ورىنباسارى ەلدار جۇماعازيەۆ قول قويدى.

سونداي-اق، فورۋم اياسىندا بيزنەس-قۇرىلىمدار مەن ۇەۇ اراسىندا بىرلەسكەن الەۋمەتتىك جوبالاردى جۇزەگە اسىرۋ ءۇشىن جالپنى سانى 10 مەموراندۋمعا قول قويىلدى. قول جەتكىزىلگەن كەلىسىمدەرمەنمەموراندۋمدارۇكىمەتتىك ەمەس ۇيىمداردىڭجۇمىسىن وڭتايلاندىرۋعا  باعىتتالعان.

ەستەرىڭىزگە سالا كەتەيىك، اتىراۋ قالاسىندا ەكى كۇندىك رەسپۋبليكالىق «اسار» فورۋمى وتۋدە. شارانىڭ ۇيىمداستىرۋشىلارى - قازاقستان رەسپۋبليكاسى ءدىن ىستەرى جانە ازاماتتىق قوعام مينيسترلىگى، قازاقستان رەسپۋبليكاسى «اتامەكەن» كاسىپكەرلەردىڭ ۇلتتىق پالاتاسى جانە اتىراۋ وبلىسىنىڭ اكىمدىگى.سونداي-اق، فورۋمنىڭ سەرىكتەستەرى-  «Chevron»، «Tengizchevroil»، «Raimbek Group» جشس، قازاقستان جاستار كونگرەسى، «جاستار تاڭداۋى- اتىراۋ» قوعامدىق ۇيىمى جانە «ازاماتتىق باستامالاردى قولداۋ ورتالىعى» كوممەرتسيالىق ەمەس ۇيىمى.

“The Qazaq Times”