اقش كونگرەسى قابىلداعان جاڭا ەرەجەنىڭ پارمەنىمەن ترامپ ۇكىمەتى جەكسەنبى كۇنى رەسەيدىڭ 39 قارۋ-جاراق ساۋداسىنا قاتىستى كومپانياسىنا سانكتسيا سالدى. بۇل تۋرالى «شينلاڭ» اقپاراتتىق سايتى جازدى.

ترامپ ءوزىنىڭ پرەزيدەنتتىك قۇقىعىن شەكتەيتىن بۇل جاڭا ەرەجەگە قارسى بولىپ كەلگەن. دەگەنمەن كونگرەسس مۇشەلەرىنىڭ باسىم كوپشىلىگىنىڭ داۋىس بەرۋىمەن بۇل ەرەجە قابىلدانعان ەدى. تامىز ايىندا قابىلدانعان بۇل جاڭا زاڭ اقش-تا تالاس تۋدىرعان. اقش قانا ەمەس رەسەي جانە ەو ەلدەرى دە بۇل جاڭا ەرەجەگە تاڭدانا قاراعان. وندا رەسەيگە سالىناتىن سانكتسيالاردى اقش پرەزيدەنتى كۇشىنەن قالدىرا المايدى دەپ بەلگىلەنگەن.

جاڭا زاڭداعى ەرەجە بويىنشا اقش مەملەكەتتىك دەپارتامەنتىنە 60 كۇن ىشىندە رەسەيدىڭ قارۋ-جاراق ساۋداسىنا جانە بارلاۋ اگەنتتەرىمەن بايلانىسى بار كومپانيالاردىڭ تولىق ءتىزىمىن جاساۋدى مىندەتتەگەن. اقش مەملەكەتتىك دەپارتامەنتى 27 قازان كۇنى بىرقاتار رەسەيلىك كومپانيالاردىڭ ءتىزىمىن رەسمي سايتىندا جاريا ەتتى.

قۇراما شتاتتىڭ مەملەكەتتىك دەپارتامەنتىنىڭ مالىمدەۋىنشە، بۇل كومپانيالارعا قارۋ-جاراق پەن اسكەري تەحنيكانىڭ ءىرى ەكسپورتتاۋشىلارى «رەسەي قورعانىس ونىمدەرىنىڭ ەكسپورتتاۋ كورپوراتسياسى» قاتارلى كومپانيالار كىرگىزىلگەن. تىزىمدە تاعى قارۋ-جاراق ءوندىرۋشى تانىمال كاسىپورىن «كالاشنيكوۆ» تا بار.

“The Qazaq Times”