فوتو: Informburo.kz

استاناداعى "نۇرسۇلتان نازارباەۆ" اۋەجايىنداعى جولاۋشىلار تەرمينالىن جوندەۋ جۇمىستارىنا (قوسىمشا) 2017 جىلى ۇلتتىق قوردان 5 ملرد تەڭگە بولىنگەن. بۇل تۋرالى قر ۇلتتىق ەكونوميكا ءمينيسترى تيمۋر سۇلەيمەنوۆ مالىمدەدى. 

ونىڭ سوزىنشە، بولىنگەن قارجىنىڭ 3,5 تەڭگەسى يگەرىلگەن. قالعان 1,5 ملرد تەڭگە قارجى مينيسترلىگىنىڭ ىشكى اۋديت كوميتەتىنىڭ بۇيرىعىنا سايكەس، باسقا بيۋدجەتتىك باعدارلامالارعا قايتا بولىنەدى.

بۇدان بولەك، 2017 جىلى ۇلتتىق قوردان شامامەن 53 ملرد تەڭگە تۇرعىن ءۇي كوممۋنالدىق قىزمەتىنىڭ 700 شاقىرىمعا جۋىق جەلىلەرىن جوندەۋگە جۇمسالادى.

2017 جىلى سونداي-اق، ۇلتتىق قوردان 71,7 ملرد تەڭگە 109 ءبىلىم بەرۋ ورنىنىڭ قۇرىلىسىنا جۇمسالماق جانە ونىڭ 79-ى بيىل پايدالانۋعا بەرىلۋى مۇمكىن.

ايتا كەتەيىك، بۇعان دەيىن 2017 جىلعى شىلدەدە ۇلتتىق قوردىڭ اكتيۆتەرى 4,3 ملرد اقش دوللارىنا نەمەسە 57,9 ملرد اقش دوللارىنا دەيىن (6,9%-عا) تومەندەگەنى تۋرالى حابارلانعان.

“The Qazaq Times”