فوتو: ريا نوۆوستي / حاۆەر لۋەنگو

يسپانيانىڭ مينيسترلەر كەڭەسى سەنبى كۇنى كاتالونيانىڭ ءوزىن ءوزى باسقارۋ مۇمكىندىگىن شەكتەۋگە بايلانىستى شۇعىل كەزدەسۋ وتكىزەدى. كەزدەسۋدە كاتالونيا تاۋەلسىزدىگىنە توسقاۋىل قوياتىن يسپانيا اتا زاڭىنىڭ 155 بابى قابىلدانۋى مۇمكىن.

ەل ۇكىمەتى بۇل ماسەلەنى سەنات قاراۋىنا جىبەرمەكشى. بيلىك وكىلدەرىنىڭ سوزىنشە، شارا "يسپاندىقتاردىڭ، قاتالونيا تۇرعىندارىنىڭ مۇددەلەرىن قورعاۋ جانە كونستيتۋتسيالىق ءتارتىپتى قالپىنا كەلتىرۋ ءۇشىن" قولعا الىنادى.

ۇكىمەتتىڭ مالىمدەمەسىندە "كاتالونيا اۆتونومياسىنىڭ باسشىسى كارلەس پۋدجەمونتتىڭ يسپانيا پرەمەرى ماريانو راحويدىڭ تالاپتارىن ورىنداماي وتىرعانى" تۋرالى ايتىلعان. بۇدان بولەك يسپانيا بيلىگى "زاڭدى جانە كونستيتۋتسيالىق ءتارتىپتى، ازاماتتار اراسىنداعى بەيبىتشىلىكتى قالپىنا كەلتىرىپ، كاتالونياداعى تۇراقسىزدىقتان تۋىنداعان ەكونوميكالىق ناشار جاعدايداردى توقتاتۋ ءۇشىن بارلىق مۇمكىندىكتى پايدالاناتىنىن" اتاپ ءوتتى.

ايتا كەتەيىك، بۇگىن يسپانيانىڭ جەرگىلىكتى ۋاقىتىمەن 10:00-دە كارلەس پۋدجەمون ماريانو راحويدىڭ "كاتولونيا تاۋەلسىزدىگىن جاريالادى ما، جوق پا؟" دەگەن سۇراعىنا جاۋاپ بەرۋ كەرەك ەدى. الايدا پۋدجەمونت تەك كاتالونيانىڭ تاۋەلسىزدىگىن جاريالاۋى كۇشىندە قالاتىنى تۋرالى عانا ايتقان.  بۇدان بولەك ول مادريد ديالوگتان باس تارتسا جانە جەرگىلىكتى بيلىككە كۇش كورسەتەتىن بولسا كاتالونيا پارلامەنتى تاۋەلسىزدىك ءۇشىن داۋىس بەرەتىنىن مالىمدەگەن.

“The Qazaq Times”