Al Jazeera-نىڭ "يننوۆاتسيالى افريكا" (Innovative Africa) باعدارلاماسىندا "iCow" ءموبيلدى قوسىمشاسى تانىستىرىلدى. ول فەرمەرلەرگە سيىردىڭ جۇكتىلىك كەزەڭىن باقىلاۋعا مۇمكىندىك بەرەدى.

"Farmable" ءموبيلدى قوسىمشاسى ينۆەستورلارعا گانانىڭ جەرگىلىكتى فەرمالارىنداعى جان-جانۋاردىڭ ۆيرتۋالدى اكتسيالارىن ساتۋعا، ساتىپ الۋعا، باقىلاۋعا كومەكتەسەدى. ال كەنيالىق 13 جاستاعى (سۋرەتتە) ريچارد تۋرەرە (Richard Turere) ەسىمدى بالا جەرگىلىكتى فەرمالارداعى مالدى ارىستاننان قورعاۋدىڭ امالىن تاپتى. كەنياداعى نايروبي ۇلتتىق ساياباعىنىڭ جانىندا تۇراتىن حالىق ءبىراز ۋاقىت وسى ارىستاندار كەسىرىنەن ءتورت تۇلىگىن جوعالتىپ كەلگەن. تۋرەرە مال قورانىڭ سىرتىنا ديودتى جارىق شامدارىن جان-جاققا قاراپ تۇراتىنداي ەتىپ ورنالاستىرىپ، ارىستانداردى ءوز اۋلىنان الىستاتۋدىڭ امالىن تاپقان. وسى ەڭبەگىنىڭ ارقاسىندا ول 2013 جىلى TED كونفەرەنتسياسىنا شاقىرتۋ  الدى.

افريكالىق سيرەك كەزدەسەتىن اۋىل شارۋاشىلىق مادەنيەتىنىڭ كونسورتسيۋمى (The African Orphan Crops Consortium) اۋىل جانە باۋ-باقشا شارۋاشىلىعىنىڭ بۇكىلالەمدىك ورتالىعىمەن (World Agroforestry Centre) بىرگە كوپشىلىككە تانىس ەمەس اۋىل شارۋاشىلىق ونىمدەرىن نايروبيدە ءوسىرۋدى قولعا الۋدا. ورتالىق ماماندارعا گەنومدار اننوتاتسياسىمەن جاقسىراق تانىسىپ، كليمات وزگەرىسى، ءتۇرلى زيانكەستەر مەن اۋرۋلارعا قارسى تۇرۋ ماقساتىندا تاعامدىق قۇنارلىلىعى جوعارى اۋىل شارۋاشىلىق ونىمدەرىن ءوسىرۋ ءۇشىن ارنايى جەرلەر بەرەدى.

“The Qazaq Times”