اقش جانە قىتاي باسشىلارى. فوتو: WSJ.

قۇراما شتات پەن بۇۇ وكىلدەرى سولتۇستىك كورەياعا قارسى سانكتسيالار قاتارىنا سول ەلدىڭ زاڭسىز قارجىلاندىرۋ جەلىسىنىڭ ءبىر بولىگى بولىپ تابىلاتىن كومپانيالاردى دا ەنگىزۋدى تالاپ ەتىپ، ترامپ ۇكىمەتىنە قىسىمىن كۇشەيتە ءتۇستى. بۇۇ جانىنان سولتۇستىك كورەيانىڭ سانكتسيادان بۇلتارۋ ءىسىن قارايتىن ارناۋلى كوميccيا قۇرىلدى. بۇل توپ سولتۇستىك كورەيانىڭ قارجى جىلىستاتۋىنا كومەكتەسەتىن قىتاي، مالايزيا جانە سولتۇستىك كورەيا ەلدەرىنىڭ 50-دەن استام كومپانياسىن تاپتى. بۇل تۋرالى “WSJ” باسىلىمى حابارلايدى.

بۇل كومپانيالار ءالى دە اقش قازىنا دەپارتامەنتىنىڭ سانكتسيا تىزىمىنە ەنبەگەن كاسىپورىندار. ولار سولتۇستىك كورەيانىڭ قارۋ-جاراق تاسىمالىنا قارجىلاي قولداۋ كورسەتەدى جانە يادرولىق باعدارلامالارىنا قارجى اۋدارۋعا كومەكتەسەدى دەپ ايىپتالىپ وتىر. بۇعان قوسا، اقش زاڭگەرلەر مەن قازىنا دەپارتامەنتىنىڭ لاۋازىمدى تۇلعالار 12-دەن استام باسقا كومپانيالاردى تىزىمدەپ، بۇل كومپانيالار سولتۇستىك كورەيانىڭ رەجيمىن سانكتسيالاردان قۇتقارۋعا نەمەسە قولداۋ كورسەتۋگە كومەكتەسەتىنىنە دەگەن قورتىندى شىعارىپ وتىر.  بىراق وسىنىڭ ءبارى دەرلىك سانكتسيا تىزىمىنە ەنگىزىلمەگەن.

ترامپ ۇكىمەتىنە بۇل كومپانيالارعا شەكتەۋ قويۋ جوباسىن الىپ شىعۋدى تالىپ ەتكەنىمەن، ترامپ قىتايلىق كومپانيالارعا قارسى سانكتسيالارعا قاتىستى وتە ساقتىق تانىتۋدا. ونىڭ سەبەبى ترامپ قىتاي ۇكىمەتىن سولتۇستىك كورەيانىڭ ساۋدا جانە قارجىلاندىرۋ جەلىسىن جابۋعا كوندىرۋگە تىرىسادى.

“The Qazaq Times”