فوتو: Total.kz

2017 جىلدىڭ 11 قازانى كۇنى ساعات 10.00-دە جۇمىس ىزدەۋشىلەرگە، ستۋدەنتتەرگە، ءبىلىم ورىندارىن بىتىرۋشىلەر مەن جاستارعا  ارنالعان بوس جۇمىس ورىندارى بويىنشا جارمەڭكە وتەدى. بۇل تۋرال الماتى قالاسى اكىمدىگىنىڭ ءباسپاسوز قىزمەتى حابارلادى.

اكىمدىكتىڭ حابارلاۋىنشا، جارمەڭكەگە 100-گە جۋىق جۇمىس بەرۋشى قاتىسادى. بوس ورىندار جارمەڭكەسى شەڭبەرىندە:

  • حالىقتى جۇمىسپەن قامتۋ ورتالىعى جۇمىسىنىڭ بەلسەندى فورماتتا جۇرگىزىلۋى بويىنشا تۇساۋ كەسەر وتكىزىلەدى;
  • حالىقتى جۇمىسپەن قامتۋ ورتالىعىنىڭ قولداۋىمەن، ءتيىمدى جانە لايىقتى بوس جۇمىس ورىندارىن ىزدەۋ ءۇشىن، جۇمىس بەرۋشىلەرمەن قاتىناستاردى جاقسارتۋعا جانە جۇمىسقا ورنالاسۋ پروتسەسسىن جەدەلدەتۋگە قولايلى «jumys.bar»موبيلدى قوسىمشاسىن تانىستىرادى;
  • ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋ باعدارلاماسىنا قاتىسۋشى تۇرعىنداردى جۇمىسپەن قامتۋ سۇراقتارى بويىنشا كەڭەس بەرۋ قىزمەتى كورسەتىلەدى;
  • ىنتا بەرۋشىلەرگە كاسىبي وقىتۋ كۋرستارى ۇسىنىلادى. ويداعىداي بىتىرگەندەرگە جۇمىسقا تۇرۋعا مۇمكىندىك بەرىلەدى.

جارمەڭكە مىنا مەكەن-جايدا وتكىزىلەدى: تەميريازەۆ كوشەسى،42, اتاكەنت، «باحشاساراي» ءسۇ.

“The Qazaq Times”