قر ەنەرگەتيكا مينيسترلىگى مەن ۇلتتىق ەكونوميكا مينيسترلىگى جانە تابيعي مونوپوليالاردى رەتتەۋ باسەكەلەستىكتى جانە تۇتىنۋشىلاردىڭ قۇقىقتارىن قورعاۋ كوميتەتى بىرلەسە وتىرىپ قازان ايىندا مۇناي ونىمدەرىنىڭ يمپورتىن ىنتالاندىرۋ پوزيتسياسىن ازىرلەدى. بۇل تۋرالى ەنەرگەتيكا مينيسترلىگىنىڭ ءباسپاسوز قىزمەتى حابارلادى.

4 قازان كۇنى ەكى ۆەدومستۆو باسشىلارى قانات بوزىمباۆ پەن تيمۋر سۇلەيمەنوۆتىڭ قاتىسۋىمەن بولعان جينالىستا  وسىنداي كەلىسىم جاسالدى.

وسىلايشا، جوعارىدا اتالعان كوميتەت زاڭنامانىڭ ورىندالۋىن باقىلاۋ كەزىندە جانارمايدىڭ ساتىلۋ باعاسىن جانە جانار-جاعارماي ساتىلىمىنا ارالاسىپ وتىرعان نارىق قاتىسۋشىلارىنا تەڭ دارەجەدە اسەر ەتەتىن يمپورتتالاتىن مۇناي ونىمدەرىن ەسەپكە الماق.

ال بۇل شەشىم نارىق قاتىسۋشىلارىنىڭ جانارماي ونىمدەرىن يمپورتتاۋ جۇمىسىن وڭتايلاندىرۋىنا مۇمكىندىك بەرۋى ءتيىس.

بۇدان بولەك جينالىسقا قاتىسۋشى مينيسترلەر مەن مۇناي نارىعىنداعى ءىرى ويىنشىلار اراسىندا قازان ايىندا 120-150 مىڭ تونناعا جۋىق اي -92 ماركالى بەنزيندى يمپورتتاۋ جوسپارى تۋرالى ايتىلدى. بۇدان ءىرى جانارماي بەكەتتەرىندەگى قور 100 مىڭ تونناعا دەيىن كوبەيەدى.

“The Qazaq Times”