رەسەي فب-نى بۇعاتتاۋى مۇمكىن. فوتو: Newsader.

رەسەيدىڭ اقپاراتتىق تەحنولوگيالار جانە بۇقارالىق اقپارات قۇرالدارىنىڭ قاداعالاۋ دەپارتامەنتىنىڭ ديرەكتورى الەكساندر زارروۆ مالىمدەمە جاساپ، ەگەر Facebook جەكە دەرەكتەردى ساقتاۋعا قاتىستى زاڭدى تالاپتاردى ورىنداماسا، رەسەيدە بۇل الەۋمەتتىك جەلىنى قولدانۋدى توقتاتىپ تاستايتىنىن مالىمدەدى. بۇل تۋرالى «شيلاڭ» اقپاراتتىق سايتى حابارلادى.

الەكساندر زارروۆ سوزىندە: «زاڭ بارلىق ادامعا ورتاق بولعاندىقتان دا،  قانداي جاعدايدا دا ءبىز زاڭنىڭ ورىندالۋىن قامتاماسىز ەتۋىمىز كەرەك. ال ونى اتقارمايتىن بولسا وندا رەسەي تەرريتورياسىندا Facebook الەۋمەتتىك جەلىسىن پايدالانۋدى توقتاتامىز. ارينە بۇل وكىنىشتى، بىراق، قالايدا رەسەي زاڭىن قورعاۋعا ءتيىسپىز»، – دەدى.

ول جانە سوزىندە اقپاراتتىق تەحنولوگيالار جانە بۇقارالىق اقپارات قۇرالدارىنىڭ ينسپەكتسياسى Facebook-ءتىڭ رەسەيدە وتە تانىمال ەكەنىن تۇسىنەتىنىن، دەگەنمەن ونىڭ بىردەن ءبىر الەۋمەتتىك جەلى سانالمايتىنىن، سوعان ۇقساس باسقا دا الەۋمەتتىك جەلىلەردىڭ بار ەكەنىن العا تارتتى. «سوندىقتان Facebook كومپانياسىنا زاڭعا سايكەس جۇمىستار الىپ بارۋىن ءۇمىت ەتەمىز»، – دەدى الەكساندر زارروۆ.

«جەكە دەرەكتەر تۋرالى زاڭ» بويىنشا، رەسەي ازاماتتارىنىڭ جەكە دەرەكتەرى رەسەي اۋماعىندا ساقتالۋى كەرەك بولعان. رەسەي فەدراتسياسىنىڭ اقپاراتتىق تەحنولوگيالار جانە بۇقارالىق اقپارات قۇرالدارىنىڭ ينسپەكتسياسى زاڭسىز ۆەب-سايتتاردى ارنايى تىزىمگە الادى. ەگەر تۇزەتۋدەن باس تارتسا، تىزىمدەگى كەز-كەلگەن الەۋمەتتىك جەلىنى بۇعاتتاۋعا جىبەرەدى. بۇدان بۇرىندا رەسەي زاڭىن بۇزدى دەگەن ايىپپەن بىرنەشە الەۋمەتتىك جەلى بۇعاتتالىپ تاستالعان.

بۇل تۋرالى رەسەي پرەزيدەنتى ءباسپاسوز حاتشىسى دميتري پەسكوۆ مالىمدەمەسىندە: «Facebook –  بۇل بيزنەس-كومپانيا بولىپ تابىلادى، دەمەك اقشا تابۋعا باعىتتالعان. الايدا، اقشا تابۋ جولى رف-نىڭ زاڭدارىنا سايكەس بولۋى كەرەك. زاڭدى اتقارۋى كەرەك»، دەگەن پىكىرىن ءبىلدىردى.

“The Qazaq Times”