فوتو: REUTERS

Moody's رەيتينگ اگەنتتىگى Brexit ۇلىبريتانيانىڭ ەكونوميكالىق وسىمىنە كەرى اسەر ەتۋى مۇمكىن دەگەن قاۋىپپەن ەلدىڭ قارجى ينستيتۋتتارىنا قاتىستى كرەديت رەيتينگىن تومەندەتتى، دەپ حابارلايدى ۆۆس.

رەيتينگ Aa1-دان Aa2 دەڭگەيىنە دەيىن تومەندەتىلىپ، جاڭا رەيتينگ بويىنشا ۇزاق مەرزىمدى بولجام "جاعىمسىز" دەڭگەيدەن "قالىپتى" دەڭگەيگە وزگەرتىلدى.

ۇيىمنىڭ ەسەبىنە سەنسەك، لوندوننىڭ قارىزىن وتەۋ بويىنشا ايقىن جوسپارى بولماعاندىقتان مەملەكەتتىڭ ەۋروپالىق وداقتان شىعۋ تۋرالى شەشىمى ەكونوميكا جاعدايىنىڭ بەلگىسىز بولۋىنا اكەلىپ وتىر.

ايتا كەتەيىك، بۇعان دەيىن Fitch جانە Standard & Poor's رەيتينگ اگەنتتىكتەرى 2016 جىلى-اق ۇلىبريتانيانىڭ رەيتينگىن تيىسىنشە، ااا-دان اا-عا جانە اا+-تەن اا دەڭگەيىنە دەيىن تومەندەتكەن.

ال Moody's بولسا "اتالعان مەملەكەت ۇكىمەتى الەۋمەتتىك قورعاۋ جانە مەديتسينا سالالارى جانە تاعى باسقا بىرنەشە باعىت بويىنشا بيۋدجەت شىعىندارىن ارتتىرعان" دەگەندى ايتادى. سونداي-اق، ەلدىڭ كىرىسى شىعىنداردى جابا الماۋى مۇمكىن دەگەن بولجام جاساپ وتىر.

“The Qazaq Times”