فوتو: ۆۆس.

اقش اسكەري بازاسىندا جارىلىس بولدى – دەپ حابارلايدى Independent اقپارات كوزى.

Independent مالىمەتى بويىنشا، اقش-تىڭ سولتۇستىك كارولينا شتاتىندا ورنالاسقان فورت-برەگگ اسكەري بازاسىندا جارىلىس بولعان. سالدارىنان 15 سارباز ءار ءتۇرلى دەنە جاراقاتتارىن العان.

اقش قۇرلىق اسكەرى رەسمي سايتىنىڭ حابارلاۋىنشا، فورت-برەگگ بازاسىندا بولعان جارىلىستان 32 جاستاعى ماساچۋسەتس شتاتىنىڭ تۋماسى الەكساندر داليد كوز جۇمعان. وسىعان بايلانىستى اقش اسكەرىنىڭ پولكوۆنيگى مايكل كورنبۋرگەر:  «ءبىز بولعان جاعدايعا بايلانىستى سەرجانت ءداليدىڭ وتباسىنا قايعىرا كوڭىل ايتامىز جانە الداعى ۋاقىتتا كومەكتەسىپ تۇرۋعا ۋادە بەرەمىز» - دەگەن. ال اقش قۇرلىق اسكەرىنىڭ ستراتەگيالىق جوسپارلاۋ ءبولىمىنىڭ رەسمي وكىلى روبەرت بوحكولت اسكەري بازادا بولعان جارىلىس سالدارىنان الەكساندر داليدتەن بولەك 7 ساربازدىڭ جاراقات العانىن ايتقان.

قازىرگى تاڭدا وقيعا ورىنىندا اقش اسكەرلەرى مەن ارنايى ساراپشىلار جارىلىستىڭ نەدەن بولانىن انىقتاۋدا.

“The Qazaq Times”