رەسەي قازاقستان قانتىنان باس تارتقىسى كەلەدى

رەسەيدىڭ اۋىل شارۋاشىلىق مينيسترلىگى قازاقستان مەن بەلارۋس قانتىنىڭ يمپورتىن شەكتەۋدى ۇسىندى. مينيسترلىك مۇنداي ۇسىنىستى وتاندىق وندىرىسكە قولداۋ ءبىلدىرۋ ءۇشىن جاساپ وتىر، دەپ حابارلايدى ريا نوۆوستي.  

فەدەراتسيانىڭ اۋىل شارۋشىلىق ءمينيسترى الەكساندر تكاچەۆتىڭ سوزىنشە، اتالعان ەكى ەل قانتتى باج سالىعىنسىز يمپورتتاپ وتىر جانە بۇل ەۋرازيالىق ەكونوميكالىق وداق ەلدەرى اراسىنداعى نارىق جاعدايىن قيىنداتادى ءارى رەسەيلىك وندىرۋشىلەر ءۇشىن ءتيىمسىز.

"قانت شيكىزاتىن باج سالىعىنسىز تاسىمالداۋ اتالعان ەلدەردىڭ دە، رەسەيدىڭ دە قايتا وڭدەۋ جۇمىستارىن ارزان ەتەدى. ال بۇل وتاندىق وندىرۋشىلەردى شىعىنعا باتىرادى، سوندىقتان قانت يمپورتىن شەكتەۋ كەرەك", - دەيدى مينيسترلىك.

ايتا كەتەيىك، بۇعان دەيىن قازاقستان رەسەيدىڭ پايداسى ءۇشىن برازيليادان قانت يمپورتتاۋدى شەكتەگەن بولاتىن. ناتيجەسىندە رەسەي قازاقستانعا وسى جىلدىڭ العاشقى بەس ايىندا 65,5 مىڭ توننا قانت جەتكىزگەن. وتكەن جىلعى كورسەتكىش – 0,6 مىڭ توننا. ال برازيليا وتكەن جىلى 123,7 مىڭ توننا قانت يمپورتتاسا، بيىل بار بولعانى 50,8 مىڭ توننا قانت (24,7 ملن دوللار) جەتكىزگەن. وسىلايشا بۇل ەلدەن كەلەتىن قانت كولەمى 58,9%-عا قىسقارعان.

“The Qazaq Times”