فوتو: ريا نوۆوستي.

يراكتا رەسەي ازاماتى ءولىم جازاسىنا كەسىلدى - دەپ حابارلايدى نەمىس تولقىنى اقپارات اگەنتتىگى.

قىركۇيەكتىڭ 12-ءسى كۇنى باعداد قالاسىنىڭ ورتالىق سوتى «يسلام مەملەكەتى» لاڭكەستىك ۇيىمىنا قاتىسى بار دەگەن كۇدىكپەن ۇستالعان رەسەي ازاماتىن كىنالى دەپ تاۋىپ، ءولىم جازاسىنا كەسكەن. جەرگىلىكتى باق وكىلدەرىنىڭ مالىمەتىنشە، رەسەي ازاماتى شىلدە ايىندا موسۋل قالاسىندا قولعا تۇسكەن. تەرگەۋ بارىسىندا رف ازاماتى 2015 جىلدان بەرى «يسلام مەملەكەتى» تەررورلىق ۇيىمىنىڭ قۇرامىندا يراك اۋماعىندا سوعىسقانىن مويىنداعان.

ايتا كەتەتىن ءبىر جايتع سوت ۇكىمى ازىرگە كۇشىنە ەنبىگەن، سەبەبى يراك زاڭى بويىنشا، سوتتالۋشى باعداد قالالىق سوتىنىڭ شەشىمىمەن كەلىسپەيتىنىن ايتىپ، جوعارى سوتقا شاعىمدانۋعا قۇقىعى بار.

“The Qazaq Times”