فوتو: CBC

ميانماداعى روحيندجا مۇسىلماندارىنىڭ جاعدايىن قالت جىبەرمەي جازىپ جۇرگەن اقپارات قۇرالدارىنىڭ ءبىرى  - ۆۆس. ءوزىنىڭ مەنشىكتى ءتىلشىسىن سول وڭىرگە جىبەرىپ، ەكسكليۋزيۆتى سۇحباتتار مەن سۋرەتتەر، بەينەجازبالارمەن ءبولىسىپ وتىرعان حالىقارالىق اقپارات اگەنتتىگى "روحيندجا مۇسىلماندارى دەگەن كىمدەر؟" تاقىرىبىندا بەينەماتەريال دايىنداعان ەكەن. ءبىز جيىرما كۇنگە جەتپەيتىن ۋاقىت ىشىندە ءوز ۇيىنەن جىراقتا قالعان جانداردىڭ جانايقايىن قازاق تىلىنە اۋدارىپ، وزدەرىڭىزگە ۇسىنۋدى ءجون كوردىك. 

روحيندجا ازاماتىنىڭ ءبىرى ءوز قوعامىن تۋعان جەرى ميانما مەن باس ساۋعالاۋ ءۇشىن پانالاعان بانگلادەشتىڭ ورتاسىندا قالعان فۋتبول دوبىنا ۇقساتادى.  ويتكەنى ەكى تاراپ تا ولاردى وزەككە تەۋىپ وتىر. وسى ۋاقىتقا دەيىن بوسقىندار لاگەرىنە كەلگەن مۇسىلمانداردىڭ بيرما بيلىگىنىڭ اۋىلدارىن ورتەپ، ادامدارىن اباقتىعا جاپقانى، قىز-كەلىنشەكتەرگە زورلىق قىلعانى تۋرالى مالىمدەمەلەرىن شەتەلدىك باسىلىمدار ءجيى جاريالادى. مىنا بەينەماتەريالداعى ازامات تا ء"بىزدىڭ باسىمىزدان وتكەن جاعدايعا اللا عانا كۋا" دەپ،  جوعارىدا ايتىلعانداردى راستاپ وتىر. بىراق سوعان قاراماستان، مۇنداعى بوسقىندار ءوز تۋعان جەرلەرىنە قايتۋدى قالايدى."بانگلادەشتى بۇتىندەي يەلىگىمىزگە بەرسە دە، ءبىز وتانىمىز ميانماعا قايتقىمىز كەلەدى!", - دەيدى بەينەجازباداعى روحيندجالىق ازامات. 

سوڭعى دەرەكتەر بويىنشا بانگلدەشتەگى بوسقىندار لاگەرىنە جەتكەن مۇسىلمانداردىڭ سانى - 294 مىڭ. بيرما بيلىگى مۇسىلماندارعا قاتىستى جاسالعان ارەكەتتەر مەن وزدەرىنە تاعىلعان ايىپتاۋلاردى جوققا شىعاردى.

“The Qazaq Times”