فوتو: politrussia

ناتو-نىڭ باس حاتشىسى يەنس ستولتەنبەرگ سولتۇستىك كورەيانىڭ ارەكەتى بۇكىلالەمدىك جاۋاپ بەرۋدى تالاپ ەتەتىنىن ايتىپ، يادرولىق قارۋ سىناعىن جيىلەتىپ، جەر شارىنا قاۋىپتوندىرىپ وتىرعان كحدر ماسەلەسىنە ناتو دا ارالاساتىنىن ءبىلدىردى. بۇل تۋرالى ۆۆس اقپاراتتىق اگەنتتىگى جازدى. 

وسىعان دەيىن "اقش-تىڭ تىنىق مۇحيتىنداعى ءىرى اسكەري بازاسى گۋام ارالىنا شابۋىل جاساۋ تۋرالى" سولتۇستىك كورەيانىڭ ەسكەرتپەسىن العا تارتقان يەنس ستولتەنبەرگ، كۇتكەن قاۋىپ شىندىققا اينالعان جاعدايدا، ناتو-نىڭ اسكەري قاقتىعىسقا ارالاساتىنى جونىندە ەشتەڭە دەمەدى. ناتو ۇيىمىنىڭ شارتى بويىنشا، وعان مۇشە ءبىر ەلگە قارسى جاسالعان شابۋىل بۇكىل وداقتى بىرىگىپ جاۋاپ بەرۋگە مىندەتتەيدى.

سولتۇستىك كورەيانى بۇۇ رەزوليۋتسياسىن ساقتاۋعا شاقىرعان يەنس ستولتەنبەرگ ماسەلەنى شەشۋدە ديپلوماتياعا جۇگىنگەن ءجون دەپ وتىر. ول اقش-تىڭ سوڭعى ۇسىنعان سانكتسيالارىن قولدايدى جانە ونىڭ جۇزەگە اسۋىنا بارلىق مەملەكەتتەر اتسالىسۋى كەرەك دەپ ەسەپتەيدى. باتىستىق ساراپشىلار سولتۇستىك كورەيا اشىق سوعىسقا دايىن ەمەستىگىن ايتىپ، كيم جوڭ ۋننىڭ (كيم چەن ىن) بار ماقساتى يادرولىق قۋاتىن ەسەلەۋ ارقىلى، قارسىلاستارىن قاۋىپ-قاتەردە ۇستاۋ دەپ جورامالدايدى.

“The Qazaq Times”