وسىمەن ەكىنشى رەت وتكىزىلىپ وتىرعان قازاق كۇرەسى سپورت تۇرىنەن «الەم بارىسى» حالىقارالىق ءتۋرنيرى 8 قىركۇيەك كۇنى كەشتە ءوز مارەسىنە جەتتى. فينالدىق كەزدەسۋدە وتانداسىمىز ايبەك نۇعىماروۆ گرۋزين بالۋانىن جەڭىپ، «الەم بارىسى» اتاندى. بۇل تۋرالى vesti.kz سايتى جازعان بولاتىن. 

گرۋزين بالۋانى گۋرام تۋشيشۆيلي فينالدا ايبەك نۇعىماروۆقا جەڭىستى بەرىپ، ەكىنشى ورىندى يەلەندى. قولا جۇلدەگە تالاستا موڭعوليا ەلىنىڭ وكىلى قانداس باۋىرىمىز سەرىك بەردىمۇرات پەن وتانداسىمىز ەرجان شىنكەەۆ كۇش سىناسىپ، جەرلەسىمىزگە قولدا جۇلدە بۇيىردى.

شەشۋشى مارەدە ەكى بىردەي كوك بايراق بيىككە كوتەرىلىپ، قازاق كۇرەسىنىڭ وتانى رەتىندە جەڭىستى ءوز ەلىمىزدە قالدىردىق.

“The Qazaq Times”