«يسلام مەملەكەتى» تەررورلىق توبىنىڭ ەڭ قاۋىپتى ادامى ءولتىرىلدى

رەسەي قورعانىس مينيسترلىگى حابارلاما جاريالاپ، وزدەرىن «يسلام مەملەكەتى» دەپ اتاعان تەررورلىق ۇيىمنىڭ قۇرامىنا كىرگەن گۋلمۋرول حاليموۆتى ولتىرگەندەرىن مالىمدەدى. ول بۇرىن تاجىكستان ىشكى ىستەر مينيسترلىگىنە قاراستى ارنايى جاساقتىڭ  كومانديرى بولعان. بۇل تۋرالى BBC-ءدىڭ ونلاين قىزمەتى حابارلاپ وتىر.

رەسەي قارۋلى كۇشتەرىنىڭ بەرگەن مالىمەتىنە سەنەر بولساق، حاليموۆ دەير-ءاز-زور قالاسىندا بولعان اسكەري وپەراتسيا كەزىندە ولتىرىلگەن. حاليموۆ «يسلام مەملەكەتى» ۇيىمىندا «سوعىس ءمينيسترى» لاۋازىمىنداعى ماڭىزدى باسشىلارىنىڭ ءبىرى بولعان.

حاليموۆ تاجىكستان پرەزيدەنتىمەن. فوتو: youtube.com.

تاجىكستان ىشكى ىستەر مينيسترلىگىنە قاراستى پوليتسيا ارنايى جاساعىنىڭ كومانديرى بولىپ قىزمەت اتقارىپ جۇرگەن حاليموۆ 2015 جىلى ءساۋىر ايىنىڭ سوڭىندا عايىپ بولادى. كەيىن ونىڭ «يسلام مەملەكەتى» ۇيىمىنا قوسىلىپ كەتكەنى تۋرالى مالىمەت تارالدى. سوڭىندا ونىڭ «يسلام مەملەكەتى» ۇيىمىنىڭ قۇرامىندا عالامتورداعى ۆيدەولارى تاراعان.

تەررورلىق توپتىڭ قۇرامىنا كىرۋدەن بۇرىن گۋلمۋرود حاليموۆ پولكوۆنيك شەنىندەگى كوماندير بولعان. رەسەي مەن اقش-تا جوعارى دايىندىقتان وتكەن جاۋىنگەر. ونىڭ ۇستىنە سۇر-مەرگەندىگىمەن تانىمال بولعان. بۇرىن تاجىكستان پرەزيدەنتىنىڭ گۆاردياسىندا قىزمەت اتقارعان. ەل شىعىسىنداعى وپپوزيتسيالىق كۇشتەرگە قارسى كۇرەستە، 2009 جىلى «راشاد» وردەنىمەن ماراپاتتالعان. تەررورلىق توپتىڭ قۇرامىنداعى ەڭ قاۋىپتى ادامداردىڭ ءبىرى بولىپ سانالىپ كەلگەن.

“The Qazaq Times”