پرەزيدەنت اكىمشىلىگى باسشىسىنىڭ بۇرىنعى ورىنباسارى قامالدى

پرەزيدەنت اكىمشىلىگى باسشىسىنىڭ بۇرىنعى ورىنباسارى باعلان مايلىباەۆ 2 اي مەرزىمگە قاماۋعا الىندى. بۇل تۋرالى قازاقستان رەسپۋبليكاسىنىڭ ۇقك ءباسپاسوز قىزمەتىنە سىلتەمە جاساپ inform.kz حابارلادى.

"2017 جىلعى 12 قاڭتاردا قازاقستان رەسپۋبليكاسىنىڭ ۇلتتىق قاۋىپسىزدىك كوميتەتى قازاقستان رەسپۋبليكاسى قىلمىستىق كودەكسى 185-بابى 1, 3-بولىگىندە كوزدەلگەن («مەملەكەتتiك قۇپيالاردى زاڭسىز جيناۋ، تاراتۋ، جاريا ەتۋ») قىلمىستاردى جاسادى دەگەن كۇدىكپەن قر پرەزيدەنتى اكىمشىلىگىنىڭ قىزمەتكەرلەرى بولعان ب. مايلىباەۆ جانە  ن. گاليحين ۇستالدى" دەلىنگەن حابارلامادا.

14 قاڭتاردا استانا قالاسى، ەسىل اۋداندىق سوتى 2 اي مەرزىمگە قاماۋعا الۋ سانكتسياسىن بەردى.

اتالعان تۇلعالار قازاقستان رەسپۋبليكاسى قىلمىستىق-پروتسەستىك كودەكسىنىڭ 128-بابىنا سايكەس ۇقك تەرگەۋ يزولياتورىنا قاماۋعا الىندى.

كۇدىكتىلەردىڭ جانە ولاردىڭ تۋىستارىنىڭ تۇرعىلىقتى جەرلەرى بويىنشا تىنتۋلەر جۇرگىزىلدى، زاتتاي دالەلدەمەلەر الىندى.

تەرگەپ-تەكسەرۋ جالعاسۋدا، ونىڭ بارىسى جانە ناتيجەلەرى جونىندە قوسىمشا حابارلاناتىن بولادى.