اقش پرەزيدەنتتەرىنىڭ حاتىندا نە جازىلعان: وبامانىڭ ترامپقا قالدىرعان حاتى

اقش-تىڭ 44-ءشى پرەزيدەنتى باراك وباما وزىنەن كەيىن قۇراما شتاتتارعا پرەزيدەنت بولىپ كەلگەن دونالد ترامپقا اق ۇيدەگى كەڭسەسىن بوساتىپ بەرەر الدىندا، پرەزيدەنت ۇستەلىنە ءبىر پارشا حات قالدىرعان. بۇل حاتتى وسىدان ەكى كۇن بۇرىن CNN ارناسى جاريا ەتتى، دەپ جازدى «شينحۋا»-نىڭ رەسمي سايتى.

حات مازمۇنى بىلاي دەپ باستالعان: «قادىرلى پرەزيدەنت مىرزا! ءسىزدى سايلاۋداعى تاماشا جەتىستىگىڭىزبەن قۇتتىقتايمىن! ميلليونداعان ادامدار سىزگە ءۇمىت ارتۋدا. ءبىز بارلىق جەكەلەر، ۇقساماعان پارتيالارعا قاراماستان، ءسىزدىڭ باسقارۋىڭىزدا ەلدىڭ گۇلدەنۋى مەن قاۋىپسىزدىك نىعايا تۇسەدى دەپ ۇمىتتەنەمىز».

سونىمەن بىرگە بۇرىنعى پرەزيدەنت وباما، اقش پرەزيدەنتى بولۋدىڭ بىرەگەي مىندەت ەكەنىن قاداعالاي ايتقان. ول سوزىندە بۇل مىندەتتە وتىرىپ تابىسقا جەتۋدىڭ انىق كەپىلدىگى بولماسا دا، ترامپقا بەلگىلى ءبىر ماڭىزدى كەڭەستەر بەرە الاتىنىن دا اتاپ وتكەن.

وباما حاتىندا: «ءبىز قولىمىزدان كەلگەننىڭ ءبارىن جاساعىمىز كەلەدى. ءاربىر ادام بالالارى مەن وتباسىن تابىسقا باستاۋ ءۇشىن كۇش سالا جۇمىس ىستەۋگە دايىن»، – دەي كەلىپ، حالىقارالىق ساياساتتا ترامپقا اقش-تىڭ «بايلىعى مەن قاۋىپسىزدىگى» جانە «ءىس-ارەكەتتەر مەن پاراديگماعا» تاۋەلدى حالىقارالىق ءتارتىپتى قولداۋىن ەسكەرتكەن.

وباما ءوزىنىڭ ترامپقا قالدىرعان ءبىر پارشا حاتىندا: ءبىز ءبارىمىز اق ءۇيدىڭ كەلىمدى-كەتىمدى قوناعىمىز. ساياسي احۋال كۇن سايىن وزگەرىپ وتىرادى. دەموكراتيالىق جۇيەنى جانە ءداستۇردى قورعاۋ كەرەك. بۇل جۇيەلەر، كەم دەگەندە، ءبىز ولاردى ورناتقان كەزدەگىدەي قاتتى بولۋى كەرەك»، – دەگەن كەڭەس بەرگەن.

حات سوڭىندا وباما ترامپقا: «قىزمەت پەن قيمىلداردان بوس ۋاقىتىڭىزدا وتباسىنداعىلار مەن دوستارىڭىزعا كوبىرەك ۋاقىت ءبولىڭىز. ولار سىزبەن ەڭ قيىن ۋاقىتتاردى بولىسە الادى»، – دەگەن ءارى قىزمەتىنە ساتتىلىك تىلەپ، ءوزىنىڭ ميشەلمەن بىرگە بارلىق كەزدە قولدان كەلگەن كومەگىن كورسەتۋگە ءازىر ەكەنىن بىلدىرگەن.

قاڭتار ايىندا پرەزيدەنت كەڭسەسىنە كىرگەن ترامپ وزىنە قالدىرعان وبامانىڭ وسى ءبىر پارشا حاتىنان قاتتى اسەرلەنگەن. سول كەزدە ول اقپارات قۇرالدارىنا حاتتى وقىپ بولىپ، اسەرلەنگەنى سونشا، وباماعا قوڭىراۋ شالعانىن ايتقان ەدى. بىراق حات مازمۇنىن جاريالاماعان. ول تۋرالى وبامانىڭ وكىلى دە تۇسىنىكتەمە بەرۋدەن باس تارتقان بولاتىن.

بريتاندىق «گارديان» حابارلاۋىنشا، وزىنەن كەيىنگى پرەزيدەنتكە حات قالدىرۋ امەريكا قۇراما شتاتتارىنىڭ پرەزيدەنتتەرىندە داستۇرگە اينالعان. 2009 جىلى جوردج بۋش وباماعا وسىنداي ءبىر حات قالدىرعان. پرەزيدەنت بۋش حاتىندا: «ءسىز ارقاشان سىناپ كورۋىڭىز كەرەك بولعان كەزدە سىنعا ۇشىراۋىڭىز مۇمكىن، ءسىزدىڭ وداقتاسىڭىز سىزگە كەدەرگى جاساۋى دا مۇمكىن. بىراق ... وتباسىڭىز ءسىزدى جاقسى كورەدى. سىزبەن قوسا مەملەكەتتى دە قولدايدى. مەيلى قالاي بولسا دا، ءسىز باسقاراتىن جاناشىر جانە ساپالى ادامدار ءسىزدى شابىتتاندىرادى»، – دەپ جازعان بولاتىن.

ال، 2001 جىلى بيلل كلينتوننىڭ دجوردج بۋشقا جولداعان «ەسكەرتۋى» قىزمەتتەن بوساعان پرەزيدەنتتىڭ جۇمىسىنىڭ وپتيميستىك ءبىر كورىنىسى ەدى. «ءسىزدىڭ قازىرگى تاپسىرىپ العان مىندەتىڭىزدىڭ اۋىرتپالىعى زور. بىراق بۇل كوبىنەسە شامادان تىس جانە ءسىز ويلاعان قۋانىشتىڭ ءوزى تۇسىنىكسىز بولۋى مۇمكىن»، – دەگەن ەدى.

بۇدان سەگىز جىل بۇرىن بۇل حاتتى تاپسىرىپ العان كىشى بۋشتىڭ اكەسى ۇلكەن بۋش كلينتونعا: «سەنىڭ جەتىستىگىڭ قازىرگى ەلدىڭ جەتىستىگى. مەن ساعان شابىت بەرە الامىن. ساعان ساتتىلىك تىلەيمىن»، – دەگەن حاتتى قالدىرعان ەكەن.

“The Qazaq Times”