2017 جىلعى قاڭتار-تامىزدا قازاقستان رەسپۋبليكاسىندا ينفلياتسيا 3,9%-دى قۇرادى. بۇل تۋرالى قر ۇلتتىق ەكونوميكا مينيسترلىگىنىڭ ءباسپاسوز قىزمەتى حابارلادى.
باعا ازىق-تۇلىك تاۋارلارىنا وسى جىلعى سەگىز ايدا (2017ج. تامىز 2016ج. جەلتوقسانعا) 3,6%، ازىق-تۇلىك ەمەس تاۋارلارىنا – 4,2%، اقىلى قىزمەتتەرگە – 4%-عا ءوستى.
وسى جىلدىڭ باسىنان (2017ج. تامىز 2016ج. جەلتوقسانعا) باعانىڭ ءوسۋى كارتوپقا 17,3%، قوي ەتىنە – 12%، ءسيىر ەتىنە – 11,2%، كونسەرۆىلەنگەن سۇتكە – 8,7%، كونديتەرلىك ونىمدەرگە – 7%، جىلقى ەتىنە – 6,6%-عا، سارى مايعا، مايەكتى ىرىمشىككە – 6,5%-دان، جاڭادان جينالعان جەمىستەرگە – 2,4% بولدى.
باعانىڭ تومەندەۋى قيارعا 68,6%، قىزاناققا – 55,2%، جۇمىرتقاعا – 30,2%، سارىمساققا – 23,2%، قاراقۇمىق جارماسىنا – 18,8%، ءتاتتى بۇرىشقا – 17,9%، كۇنباعىس مايىنا – 10,4%-دى قۇرادى.
تۇرعىن ءۇي-كوممۋنالدىق قىزمەتتەر سالاسىندا تاريفتەر كارىزگە 9,6%، ورتالىقتان جىلىتۋعا – 7,3%، تۇرعىن ءۇيدى كۇتىپ ۇستاۋعا – 6,2%، سۋىق سۋعا – 5,7%، تاراتۋ جەلىلەرى ارقىلى تاسىمالداناتىن گازعا – 4,8%، ەلەكترەنەرگياسىنا – 3,8%، ىستىق سۋعا – 3,6%-عا جوعارىلادى.
ايتا كەتەيىك، مينيسترلىك ستاتيستيكاسىنا قاراساق، ينفلياتسيا دەڭگەيى ءبىراز باسەڭدەنەندەي كورىنەدى. الايدا الەۋمەتتىك ماڭىزى بار ازىق-تۇلىك باعالارى قىمبات قالپىندا ساقتالعانىن بايقايمىز.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى