رەسەيدەن قازاقستانعا 1 ميلليوننان اسا تۋريست كەلگەن

قازاقستان 2017 جىلدىڭ جارتىسىندا رەسەيلىك تۋريستەر ءجيى كەلەتىن العاشقى بەس ەلدىڭ قاتارىنا ەندى. بۇل تۋرالى رەسەي مەن تمد ەلدەرىندەگى تۋريزم جانە ساياحات نارىعىن زەرتتەۋ ورتالىعى حابارلادى.

ورتالىقتىڭ مالىمەتىنشە، رەسەيدەن قازاقستانعا كەلگەن تۋريستەردىڭ سانى جارتى جىلدا 1 ملن 275 مىڭ ادامعا دەيىن وسكەن جانە بۇل ساياحاتقا شىققان 17 ملن رەسەيلىك ءتۋريستىڭ 8 پايىزىن قۇرايدى.

وسى جىلى رەسەيلىكتەر ءۇشىن ەڭ تانىمال ورىندار تۇركيا، تايلاند، يتاليا، يسپانيا، گرۋزيا، ءباا، كيپر، گرەكيا جانە ۆەتنام بولعان.

“The Qazaq Times”