تەحاس شتاتىندا حارۆي داۋىلىنان بولعان قيراندىلاردىڭ شىعىنى 100 ملرد دوللار شاماسىندا بولۋى مۇمكىن. بۇل جونىندە امەريكالىق ساقتاندىۋشىلارعا سىلتەمە جاساپ Bloomberg اگەنتتىگى حابارلاپ وتىر، دەپ جازدى lenta.ru.
شىعىن كولەمىنىڭ مۇنداي بولاتىنى تۋرالى العاش پىكىر بىلدىرگەن - Imperial Capital بانكىنىڭ ساقتاندىرۋشى ساراپشىسى دەۆيد حەيۆەنس. ال Enki Research كومپانياسىنىڭ ساراپشىسى چاكا ۋوتسونا شىعىن 30 ملرد دوللار بولادى دەپ ەسەپتەيدى.
ەگەر ۋوتسوننىڭ ەسەبى دۇرىس بولاتىن بولسا، حارۆي اقش-تىڭ استاڭ-كەستەڭىن شىعارىپ، وراسان شىعىن كەلتىرگەن داۋىلداردىڭ جەتىنشى ءتۇرى بولادى. حەيۆەنستىڭ ەسەبى دۇرىس بولار بولسا حارۆي شىعىنى بويىنشا "كاترين" داۋىلىنان كەيىن ەكىنشى ورىندا بولادى. بۇدان بۇرىن بولعان "كاترين" داۋىلىنىڭ شىعىنى 120-106 ملرد دوللار شاماسىندا بولعان.
بۇل داۋىلداعى باستى ماسەلە - ساقتانىرۋ تولەمى. ساراپشىلاردىڭ ەسەبى بويىنشا ساقتاندىرۋ تولەمى شىعىننىڭ تەك ۇشتەن ءبىر بولىگىن عانا جابا الادى.
مەكەمە، عيماراتتاردىڭ كوپشىلىگى ناقتى داۋىلدان ەمەس، كوبىنە جاڭبىردىڭ كوپ تۇسۋىنەن ءبۇلىنىپ كەتكەن. وسىنىڭ سالدارىنان كاسىپورىنداردىڭ جۇمىسى توقتاپ، ەنەرگەتيكا جۇيەلەرىنە زاقىم كەلگەن.
ايتا كەتەيىك، تەحاس شتاتىنداعى حارۆي داۋىلى 26 تامىزدا باستالعان. باستاپقىدا قاۋىپ 4- دەڭگەيگە جەتكەنمەن، كەيىن تروپيكالىق جەل دەڭگەيىنە تومەندەدى.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى