اقش-تا «دوريان» داۋىلى كۇشەيدى

اتلانت مۇحيتىنداعى «دوريان» داۋىلى قايتا كۇشەيىپ، فلوريدا شتاتىنا جاقىندادى. بۇل تۋرالى Reuters اگەنتتىگى حابارلادى.

اقش-تىڭ داۋىلداردى باقىلاۋ ۇلتتىق ورتالىعىنىڭ مالىمەتىنە سۇيەنسەك، جەكسەنبىدەن بەرى باگام ارالدارىندا داۋىلدان 5 ادام قازا تاپقان. ون ءۇش مىڭنان استام ءۇي قيراپ بۇلىنگەن. كوپتەگەن ەلدىمەكەن سۋ استىندا قالعان.

قازىر جەلدىڭ جىلدامدىعى ساعاتىنا 185 شاقىرىم بولىپ وتىر. كەشەدەن بەرى باگام ارالدارىندا باستالىپ، اقش-قا قاراي جىلجىماعان داۋىل ەندى قايتا كۇشەي ءتۇستى. ماماندار بۇعان شىعىس مەن باتىستان قاراما-قارسى تۇرعان انتيتسيكلون سەبەپ بولۋى مۇمكىن دەپ وتىر.

وسىعان دەيىن اق ءۇي باسشىسى دونالد ترامپ دوريان داۋىلىنىڭ جاقىنداۋىنا بايلانىستى پولشادا ءوتۋى ءتيىس رەسمي ءىسساپارىن توقتاتقان بولاتىن. جەرگىلىكتى بيلىكتىڭ مالىمدەۋىنشە، داۋىلدان وراسان شىعىن كەلگەن.

"The Qazaq Times"