فوتو: BBC

ۇلىبريتانيا مەن گەرمانيانىڭ كاسىپكەرلەرى "Brexit" كەلىسىمدەرىنەن ورتاق ەكونوميكالىق مۇددەلەردىڭ ەسكەرىلۋىن كۇتەدى، بۇل تۋرالى BBC اقپاراتتىق اگەنتتىگى جازدى. 

ۇلىبريتانيا مەن گەرمانيانىڭ ساۋدا پالاتالارى ەكىجاقتى كاسىپكەرلىك بايلانىستاردى جالعاستىرۋ ءۇشىن "Brexit" كەلىسىمدەرىنە سالىقتىق جانە كەدەندىك ەرەجەلەر، جۇمىسكەرلەردىڭ قۇقىقتارى سياقتى بولىمدەر ەنگىزىلۋى كەرەك دەپ سانايدى. سونداي-اق، قوس ەلدىڭ كاسىپكەرلەرى ۇلىبريتانيا ەۋرووداقتان شىققاننان كەيىنگى 3 جىل "وتپەلى كەزەڭ" بولىپ بەكىتىلگەنىن قالايدى.  ولاردىڭ ايتۋىنشا، "Brexit" كەلىسىمدەرىنىڭ ءۇشىنشى كەزەڭى باستالعانىنا قاراماستان، ءالى دە نازارعا الىنباعان ماسەلەلەر وتە كوپ. ولاردىڭ ۋاقىتىلى شەشىلمەۋى ەكىجاقتى ساۋدا بايلانىستارىنا كەرى اسەرىن تيگىزۋى مۇمكىن.

ۇلبىريتانيا گەرمانيا ءۇشىن ەكسپورت بويىنشا ءۇشىنشى، ال گەرمانيا ۇلىبريتانيا ءۇشىن ەكىنشى ەڭ ۇلكەن نارىق بولىپ سانالادى. نەمىس فيرمالارىندا ۇلىبريتانيانىڭ 400 مىڭ ازاماتى جۇمىس ىستەسە، ۇلىبريتانياداعى كاسىپورىنداردا ەڭبەك ەتەتىن نەمىس ازاماتتاردىڭ سانى  - 220 مىڭ.

ەكى تاراپتىڭ دا بىرلەسكەن جوبالاردى جۇزەگە اسىرۋعا جانە ءوزارا ساۋدا اينالىمىن ارتتىرۋعا قازاعۋشىلىقتارى بولعانىمەن، "Brexit" جوباسىنا بايلانىستى تۋىنداعان كەدەرگىلەر جويىلماسا، قوس مەملەكەتكە دە جاڭا نارىقتار ىزدەۋگە تۋرا كەلەدى.

“The Qazaq Times”