ناشاقورلىققا سالىنعان اۋعانستاندىق بالالار. فوتو: Documentary Heaven.

اۋعانستاننىڭ دەنساۋلىق ساقتاۋ مينيسترلىگى اۋعانستان بالالارىنىڭ ۋلى ناشاعا قۇمار بولۋى جىلدان جىلعا كوبەيىپ كەلە جاتقانىن مالىمدەدى. وسى مالىمەتتى سول ەلدىڭ ەسىرتكىگە قارسى كۇرەس مينيسترلىگى دە راستاپ وتىر. بۇل تۋرالى «پارس.اقپارات» اگەنتتىگىنىڭ رەسمي سايتى حابارلادى.

اۋعانستاننىڭ ەكى بىردەي مينيسترلىگى كورسەتكەن مالىمەت بويىنشا، اۋعانستاندا بۇگىنگى كۇندە 3 ملن 600 مىڭنان اسا ناشاقورلار بار بولىپ، ونىڭ ىشىندە 100 مىڭ بالا تۇراقتى ۋلى ەسىرتكىنى تۇتىنۋشى بولىپ سانالادى ەكەن. وعان قوسا 1 ملن ءجاسوسپىرىمنىڭ دە ناشاقورلىق ىقپالىندا جۇرگەنى ءمالىم بولدى.

بىرىككەن ۇلتتار ۇيىمىنىڭ اۋعانستان ءىسى جونىندەگى بولىمشەسى جانە ەسىرتكىگە قارسى كۇرەس ۇيىمى بەرگەن مالىمەتتەردە اۋعانستاننىڭ ۋلى شەگىمدىك ءوندىرۋ مولشەرى 9 مىڭ تونناعا ارتقان.

“The Qazaq Times”