پولشا پرەمەرى: ۆارشاۆا گەرمانيادان ەكىنشى دۇنيە سوعىسىنىڭ تولەمىن الۋعا قۇقىلى

وسىدان از كۇن بۇرىن پولشادا  گەرمانيادان ەكىنشى دۇنيەجۇزىلىك سوعىستىڭ تولەمىن تالاپ ەتۋ ءىسى تۋرالى تالقى باستادى. ولار گەرمانيا پولشاعا ەكىنشى دۇنيەجۇزىلىك سوعىس كەزىندەگى شىعىنداردى وتەيدى دەپ ۇمىتتەنەدى. بۇل تۋرالى «شيانلاڭ» اقپاراتتىق سايتى حابارلادى.

وسىعان بايلانىستى پولشانىڭ پرەمەر-ءمينيسترى بەاتا شيدلو ءبىر كۇن بۇرىن ۆارشاۆادا وتكەن ءباسپاسوز ماجىلىسىندە مالىمدەمە جاساپ، پولشانىڭ ەكىنشى دۇنيەجۇزىلىك سوعىستىڭ شىعىنىن گەرمانيادان تالاپ ەتۋگە قۇقىلى ەكەنىن ايتتى. ول پولشا ەكىنشى دۇنيەجۇزىلىك سوعىستىڭ ەڭ باستى زارداپ شەگۋشىسى دەپ قارايدى. سونىمەن بىرگە بۇگىنگە دەيىن سوعىس شىعىندارىنىڭ تولەنبەگەنىن العا تارتتى.

بەاتا شيدلو سوزىندە: «ءبىز تالقىلاپ وتىرعان سوعىس شىعىنىن تالاپ ەتۋ ماسەلەسى ورىندى ءارى زاڭدى. پولشاعا تيەسىلى دۇنيەلەر جۇرتتىڭ ەسىندە دەپ ۇمىتتەنەم. ەگەر ءسىز بۇل پىكىرگە سىناي قاراپ، قارسى داۋىستى ۇستاعىڭىز كەلسە، وندا مەن ءسىزدى تاريحتى باسىنان باستاپ وقۋعا ءتيىس دەپ قارايمىن. سول ارقىلى ءسىز ەكىنشى دۇنيەجۇزىلىك سوعىس كەزىندە پولشا ەلىندە نە بولعانىنا قايتالاي ەسكە ءتۇسىرىڭىز»، – دەدى.

“The Qazaq Times”