ۇلىبريتانيا كەدەندىك باقىلاۋ ورنى. فوتو: thebusinesscourier.co.uk.

ۇلىبريتانيا ۇكىمەتى جاريالاعان جاڭا دەرەكتەرگە قاراعاندا، ناۋرىز ايىنان بەرى، ەۋروپا وداعىنا مۇشە ەلدەردەن ۇلىبريتانياعا قونىس اۋدارۋشىلار سانى تاڭقالارلىق دەڭگەيدە قىسقارىپ كەتكەن. بۇل فۋنتتىڭ السىرەۋىنەن جانە وتكەن جىلى ۇلىبريتانياداعى رەفەرەندۋم سەبەبىنەن ەو تۇرعىندارىنىڭ ۇلىبريتانياعا كوشۋدى قالاماي قالعانىن كورسەتتى. بۇل تۋرالى تانىمال «The Wall Street Journal» باسىلىمى حابارلاپ وتىر.

ۇلىبريتانيانىڭ ۇلتتىق ستاتيستيكا بيۋروسى كورسەتكەن دەرەكتەر بويىنشا، ناۋرىز ايىنىڭ سوڭىنان بەرى ەۋروپالىق وداقتان ۇلىبريتانياعا كەلەتىن جاڭا يمميگرانتتار سانى 7% -عا ازايعان. بۇل، ناقتىلاپ ايتساق، 248 مىڭ ادامدى كورسەتەدى.

بريتان ۇلتتىق ستاتيستيكا بيۋروسىنىڭ حابارىنا قارار بولساق، جوعارىداعىمەن ۇقساس مەزگىلدە ۇلىبريتانيادان ەو-عا شىققان تۇرعىندارىنىڭ سانى كەرىسىنشە 37 پايىزعا، ياعني 122 مىڭ ادامعا كوبەيگەن. بۇل سوڭعى 30 جىلدان بەرى كەزدەسپەگەن كورسەتكىش بولىپ سانالادى ەكەن.

قورىتا ايتقاندا ۇلىبريتانياعا كوشى-قون سانى 246 مىڭ ادامعا دەيىن تومەندەدى. ەل ۇكىمەتى بۇل جاعدايدىڭ الدىن الۋدىڭ ازىرگە قيىن ەكەنىن مويىنداپ وتىر. وتكەن جىلى رەفەرەندۋم كەزىندە دە يمميگراتسيا ماسەلەسىنىڭ كۇشەيىپ كەتەتىنى تۋرالى ۇكىمەتتەگىلەر الاڭداۋشىلىعىن بىلدىرگەن. ولار بۇل ءۇردىستىڭ ۇزاق ۋاقىت جالعاسۋى ۇلىبريتانيا دەموگرافياسىنا اسەر ەتىپ قانا قويماي، قارجىنىڭ شەتكە اعىلۋىن تۋدىرا ما دەپ الاڭدايدى.

“The Qazaq Times”