قازاقستان مۇناي تابىسى ەسەبىنەن جاڭارتىلعان ەنەرگيا كوزدەرىن دامىتۋ كەرەك. بۇل تۋرالى گەرمانيالىق Covestro AG كومپانياسىنىڭ وكىلى ريچارد نورتكوۋت "بولاشاق ەنەگرياسى" فورۋمىندا مالىمدەدى.
"كليماتتىڭ وزگەرۋى پروبلەمالارىنا ارنالعان ەنەرگەتيكالىق شەشىمدەر" اتتى سەسسيا اياسىندا ول نورۆەگيانىڭ تاجىريبەسىن مىسالعا كەلتىردى.
"قازاقستان مۇناي مەن گاز قورىنا باي بولعانىنا قاراماستان بالاما ەنەرگەتيكا كوزدەرىن دامىتۋ كەرەك. مىسالى نورۆەگيا دا مۇنايدى كوپ وندىرەدى. الايدا ولار سول مۇنايدان تۇسكەن قارجىعا جەل ستانتسيالارىن سالىپ جاتىر. نورۆەگيالىقتار بولاشاقتاعى جاعارتىلعان ەنەرگيا كوزدەرىنە ازىردەن باستاپ قارجى سالۋ كەرەك ەكەنىن بىلدىرەدى. ويتكەنى مۇناي قايتكەن كۇندە دە تاۋسىلادى. ال كۇن مەن جەل ونداي ەمەس", - دەدى ول.
سونداي-اق، ول مۇناي وندىرە وتىرىپ كۇن ەنەرگياسىن دامىتىپ وتىرعان ساۋد ارابياسىن دا مىسالعا كەلتىردى.
"تابيعي رەسۋرستاردىڭ بولعانى جاقسى. الايدا وعان قاراماستان جاعارتىلعان ەنەرگيا كوزدەرى دە دامۋ كەرەك. ال مۇنايدى وتىن رەتىندە جاعا بەرمەي، ونى قولدانۋدىڭ باسقا جولدارىن تاۋىپ، مۇناي حيمياسى ءۇشىن وتە جوعارى دەڭگەيدە پايدالانا الاتىنداي ءونىمدى شىعارۋ قاجەت", - دەدى نورتكوۋت.
ايتا كەتەيىك، قازاقستان EXPO-2017 مامانداندىرىلعان حالىقارالىق كورمەسىن وتكىزىپ جاتىر. كورمەنى وتكىزۋدەگى ماقسات - ەلدەگى ەنەرگەتيكا نارىعىن دامىتۋ. الايدا كورمەگە قاتىستى تاراعان اقپاراتتارعا ءمان بەرسەك، ءبىز ازىرگە ەنەرگەتيكانى دامىتۋ ماسەلەلەرىمەن ەمەس، كورمەگە كەلگەن تۋريستەردى ساناۋمەن عانا اينالىسىپ جاتقاندايمىز.
نۇرايدىڭ ءولىمى: ەلەنبەگەن شاعىم مەن جاۋاپسىز قالعان قاۋىپ
اتىراۋداعى جۇمباق جوعالۋ مەن ادام ءولىمى: ءىز-ءتۇزسىز ارتىلعان وتباسى، پوليتسيا تەرگەۋى جانە قوعام رەاكتسياسى
ايزات جۇمانوۆانىڭ ءولىمى: بۇگىن ۇكىم وقىلدى، ايىپتالۋشى 14 جىلعا سوتتالدى
قاعازداعى پاتسيەنتتىڭ ومىردەگى جاعدايى: ءۇنسىز ءارى الپاۋىت ەپيدەمياعا قارسى كۇرەستە قازاقستاندىق ابب-نىڭ قاۋقارى مەن كەمشىلىگى
الماتىدا جاڭا زاماناۋي كىتاپحانا اشىلدى
ŞAM تەاترىنىڭ كينوەكسپەريمەنتى: «№37» قويىلىمى فيلمگە اينالدى