شەرۋشىلەر. فوتو: The New York Times.

گونكونگتا 20 مىڭنان استام ادام كوشەگە شىعىپ، دەموكراتتار وكىلدەرىنىڭ قامالعانىنا قارسىلىق شاراسىن وتكىزدى. وسىدان بۇرىن حۋاڭ جىفىڭ، لو گۋانسوڭ، جوۋ ينكاڭ قاتارلى دەموكرات وكىلدەرىن زاڭسىز ەرەۋىلدەردى ۇيىمداستىرعانى ءۇشىن،  6 ايدان 8 اي ارالىعىندا باس بوستاندىعىنان ايىرۋ تۋرالى ۇكىم شىعارىلعان بولاتىن. بۇل تۋرالى «The New York Times» باسىلىمىنىڭ رەسمي سايتى جازدى.

بۇل نارازىلىق شاراسى بەيجىڭ بيلىگىنە قاراتىلىپ وتكىزىلگەن. ۇيىمداستىرۋشىلاردىڭ ايتۋىنشا، بۇل ەرەۋىل 2014 جىلى وتكىزىلگەن «قولشاتىر قوزعالىسىنان» كەيىنگى ەڭ ۇلكەن دەمونستراتسياسى بولىپ تابىلادى. ولار كەرمە تۋلارعا دەموكراتيا ءسوزىن كوتەرىپ، دەموكرات وكىلدەرىن قاماۋعا قارسى ەكەندەرىن ءبىلدىردى.

اتالعان ءۇش دەموكراتتى جاقتاۋشىلار 20 مەن 27 جاس ارالىعىندا. گونكونگ حالىق قوزعالىس ۇيىمدارىندا بەدەلدى جاستار بولىپ سانالادى. گونكونگتىڭ قىتايعا قايتارىلعانىنا 20 جىل تولعان مەرەي توي كەزىندە دە حالىق قوزعالىسى ۇيىمدارىنداعى كوشباسشىلاردى تۇتقىنداعان.

2014 جىلى «قولشاتىر قوزعالىسى» دەپ اتالاتىن قارسىلىق اكتسياسىندا ەرەۋىلشىلەر قالانىڭ قارجى ورتالىقتارىن 79 كۇن بويى قورشاپ العان ەدى. ال بۇل جولى 22 مىڭ ادام جەكسەنبى كۇنى وتكىزىلگەن نارازىلىق شاراسىنا قاتىسقان.

“The Qazaq Times”