شەالا اۋىلى. فوتو: Milliyet.

بولشەكتەۋشى تەررور ۇيىمى پكك-نىڭ سۇرياداعى تارماعى PYD ءال-بابقا زىمىران شابۋىلىن جاسادى. سالدارىنان بەيبىت تۇرعىنداردان 8 ادام جاراقات الدى دەپ حابارلايدى «تۇرىك تەلە-راديو» قىزمەتىنىڭ سايتى. زىمىران شابۋىل حالەبتىڭ سولتۇستىك شىعىسىنداعى باب اۋدانىندا جاسالعان.

مالىمەتتەرگە سۇيەنسەك شابۋىلعا ۇشىراعان شەالا اۋىلىندا ايەلدەرمەن بالالاردى قامتىعان 8 ادام ءتۇرلى جاراقات العان، ءبىر تۇرعىندار اۋلاسى بۇلىنگەن. جارالانعاندار ەمحاناعا جەتكىزىلگەن. زىمىران شابۋىلى ماتەريالدىق شىعىنعا ۇشىراتقان.

اتالعان تەررور ۇيىمى بۇل ايماقتا ءجيى شابۋىل جاسايدى. ولار اۋىلدارعا پۋلەمەتتەن وق جاۋدىرادى نەمەسە «Grad» زىمىراندارىمەن اتقىلايدى. بۇدان بۇرىن بۇل ايماقتى تەررورلىق دايش ۇيىمى باقىلاۋىنا العان. تۇركيا قارۋلى كۇشتەرىنىڭ كومەكتەسۋىمەن، ەركىن ءسۇريا ارمياسى باب اۋدانىن تەررورلىق توپتان تازارتقان. الايدا، پكك كۇشتەرى ونداعى اراب تۇرعىندارعا شابۋىلدارىن توقتاتپاعان.

“The Qazaq Times”