اقش ءوزىنىڭ كەمە اپاتىندا قازا بولعان جاۋىنگەرلەرىن جاسىرىپ كەلگەن

اقش اسكەري-تەڭىز كۇشتەرىنىڭ حابارىنا قاراعاندا، اقش-تىڭ تەڭىز فلوتىنىڭ «فيتسدجەرالد» اتتى سۋ ءۇستى جويعىش كەمەسى مەن «Aegis» اتتى جاپونيانىڭ كونتەينەرلىك جۇك-تاسىمال كەمەسى سوقتىعىسىپ، سالدارىنان 7 امەريكالىق جاۋىنگەر كوز جۇمعان. بۇل تۋرالى «شينلاڭ» اقپاراتتىق سايتى حابارلاپ وتىر.

كەمەدەگى اسكەريلەر تۇراعى. فوتو: شينلاڭ

اقش اسكەري فلوتى جوعارى اسكەري شەندىسى 17 تامىزدا جاساعان مالىمدەمەسىندە، اقش اسكەري كەمەسىنىڭ اپاتقا ۇشىراۋى كۇتىلمەگەن، ءارى جازاتايىم جاعداي دەپ تۇسىندىرگەن. كەمەلەردىڭ قاقتىعىسى جاپونيانىڭ شيزۋوكا پرەفەكتۋراسىنداعى يدۋ تۇبەگىنە جاقىن سۋ ايدىنىندا بولعان.

جاپونيانىڭ جۇك تاسىمال كەمەسى. فوتو: شينلاڭ.

اقش تەڭىز-اسكەري كۇشتەرى اسكەريلەرىنىڭ قۇربان بولعانىن بىرەر اپتا جاسىرىپ كەلگەن. جاپون جۇك تاسىمال كەمەسى اقش اسكەري كەمەسىنىڭ سول جاق جانىنان جاناسا كەلىپ سوعىلىسقان. اسكەري كەمەدەگى جاقتاۋ تەمىرلەر ىشىنە قاراي وپىرىلا مايىسىپ كەتكەن. بۇل تۇس اسكەريلەردىڭ جاتىن بولمەسىنە جاقىن بولعاندىقتان، ونداعى 10 اسكەري سىعىلىسقان تەمىرلەر اراسىندا قالىپ كەتكەن. كەيىن 3 ادام قۇتقارىلعان. قالعان 7 بىردەي اسكەري كوز جۇمعان. جاپون كەمەسى ايتارلىقتاي زارداپ شەكپەگەن.

“The Qazaq Times”