كاسپيدە اسكەري جاتتىعۋ: يراننىڭ ايماقتاعى ىقپالى ارتۋى مۇمكىن

كاسپي تەڭىزىندە يران اسكەري-تەڭىز جانە اۋە كۇشتەرى كولەمدى اسكەري جاتتىعۋ وتكىزۋدە. جاتتىعۋعا اسكەري كەمەلەردەن تىس اسكەري ۇشاقتار، ۇشقىشسىز ۇشۋ قۇرىلعىلارى قاتىسقان.

اتالعان اسكەري كولەمدى اسكەري جاتتاعۋ كاسپيدىڭ وڭتۇستىك جاعالاۋىنداعى 77 مىڭ شارشى شاقىرىم كەڭ تەڭىز ايدىنىندا وتكىزىلگەن. بۇل يراننىڭ ءداستۇرلى تۇردە وتكىزىپ كەلە جاتقان «تۇراقتى قاۋىپسىزدىك –1400» دەپ اتالاتىن اسكەري جاتتىعۋى. كەزەكتى جاتتىعۋدا يران شابۋىل مەن شابۋىلدان قورعانۋ پراكتيكالارىنا قوسا، زىمىران جانە وزگە دە ەلەكتروندى جۇيەلەردى سىناقتان وتكىزگەن.

اۋعانستاننان اقش پەن ناتو كۇشتەرىنىڭ شەگىندىرىلۋى ەلدەگى يران ىقپالىن كۇشەيتۋى مۇمكىن دەگەن بولجامدار بار. اۋعانستانداعى يران ىقپالى كۇشەيسە، وعان ىلەسە ورتا ازياداعى ىقپالى دا ارتا ءتۇسۋى مۇمكىن. ونىڭ ۇستىنە يران قىتايمەن ماڭىزدى ستراتەگيالىق كەلىسىمدەردى جۇزەگە اسىردى. اقش باستاعان كەيبىر باتىس ەلدەرىمەن قايشىلىقتارىنا قاراماستان يران ورتا ازيا مەن ورتا شىعىستاعى ىقپالىن قاتار ارتتىرۋدى كوزدەپ كەلەدى.

“The Qazaq Times”