فوتو: LIGA.net

ەۋروپالىق وداق ۋكراينادا وتەتىن مەملەكەتتىك باسقارۋ رەفورماسىنا 100 ملن ەۋرو قارجى بولەدى. بۇل جونىندە وداقتىڭ ۋكرايناداعى وكىلەتتىگى حابارلاعان. 

وكىلەتتىكتىڭ حابارلاماسىندا ەو ۋكرايناداعى مەملەكەتتىك باسقارۋ باعدارلاماسىن تولىقتاي قولدايتىنى تۋرالى ايتىلعان.

"ەگەر 2017-2020 جىلدارداعى تابىستى رەفورما ءۇشىن  ناقتى شارتتاردى ورىنداۋ قاجەت بولسا، وندا ەو مەملەكەتتىك باسقارۋ رەفورماسىن جۇزەگە اسىرۋعا 100 ملن ەۋرو كولەمىندە قارجىلاي كومەك بەرەدى", - دەلىنگەن وكىلەتتىكتىڭ فەيسبۋكتەگى رەسمي پاراقشاسىندا.

رەسەيلىك "پرايم" باسىلىمىنىڭ مالىمەتىنشە، ۋكراينادا مەملەكەتتىك باسقارۋ رەفورماسى ءوتىپ جاتىر. رەفورما اياسىندا مينيسترلىكتەردەگى اكىمشىلىك جانە ساياسي فۋنكتسيالاردى باقىلاۋ بويىنشا مەملەكەتتىك حاتشىلاردىڭ ينستيتۋتى قۇرىلعان.

بۇدان بولەك، ءار مينيسترلىكتە رەفورمانى رەتتەۋمەن اينالىساتىن جاڭا مامانداردان قۇرىلعان "باس ديرەكتورات" قۇرۋ جوسپارلانعان. ال بۇدان بۇرىن ۋكراينانىڭ پرەمەر-ءمينيسترى ۆلاديمير گرويسمان ءاربىر مينيسترلىكتىڭ ساياساتىن رەتتەيتىن ارنايى ديرەكتورات قۇرۋ جوسپارى بار ەكەنىن مالىمدەگەن.

“The Qazaq Times”