استانادا بىرنەشە كومپانيا قارجى پيراميداسىن قۇرعان بولۋى مۇمكىن

استانادا التى بىردەي كومپانيا "قارجى پيراميداسىن ۇيىمداستىرۋى مۇمكىن" دەگەن كۇدىككە ءىلىنىپ وتىر. بۇل تۋرالى باس قالانىڭ پروكۋراتۋراسى مالىمدەدى.

ۆەدومستۆو اتاپ وتكەندەي، سوتقا دەيىنگى تەرگەۋ جۇمىستارى "ەدينىي ۆىبور", "فري حوۋم" ("Free-DOM Service"), "بەست ۆەي" (Best Way), "سۆوي كۆادرات", "EmpyReal Profit", ي "Dream Life" سىندى كووپەراتيۆتەرگە قاتىستى باستالعان.

قازىرگى ۋاقىتتا سوت-ەكونوميكالىق ساراپتاماسى تاعايىندالىپ، ايعاقتار جيناۋعا باعىتتالعان تەرگەۋ جۇمىستارى جۇرگىزىلىپ جاتىر.

سونىمەن قاتار، «وبششي دوم» كومپانياسىنىڭ باسشىسى يۋرەرا مامەدوۆاعا قارسى قىلمىستىق ءىس سوتقا جىبەرىلگەن.

"استانا قالاسىنىڭ اۋماعىندا ازاماتتارعا ازداعان جارنامەن كووپەراتيۆكە قاتىسۋدى جانە باسقا قاتىسۋشىلاردىڭ جارنالارى ەسەبىنەن تۇرعىن ءۇي الۋدى ۇسىناتىن كووپەراتيۆ تۇرىندەگى  ۇيىمدار بار. وسىعان بايلانىستى  قولما-قول اقشالارىنان ايىرىلىپ قالماس ءۇشىن، استانالىق تۇرعىنداردان ارزان تۇرعىن ءۇي ساتىپ الۋعا قاتىستى كۇماندى مامىلەلەر جاسالعان جاعدايدا بەيقام بولماۋىن وتىنەمىز", - دەپ ءتۇسىندىردى پروكۋراتۋرادان.

ايتا كەتەيىك، بۇدان بۇرىن استانا اكىمدىگى الاياقتىق جاعدايلاردىڭ جيىلەپ كەتكەنىنە بايلانىستى ەسكەرتۋ جاساپ، «ەلوردا دامۋ» جشس جالعا بەرىلەتىن تۇرعىن ءۇيدى سالۋ جونىندەگى مەملەكەتتىك باعدارلاماعا قاتىسپايتىنىن مالىمدەگەن.

“The Qazaq Times”