ليۆان اسكەرى «يسلام مەملەكەتى» لاڭكەستىك ۇيىمىنا قارسى شابۋىلىن باستادى

ليۆان اسكەرى "يسلام مەملەكەتى" لاڭكەستىك ۇيىمىنا قارسى شابۋىلىن باستادى. سۇريامەن شەكاراداعى "يسلام مەملەكەتى" لاڭكەستىك ۇيىمىنىڭ قولىنا قاراپ وتىرعان ايماقتى بوساتۋ وپەراتسياسى ويداعىداي اياقتالسا، قوس ەلدىڭ اراسىن ءبولىپ تۇرعان ءوڭىر تەرروريستەردەن تولىقتاي  بوسايدى. بۇل تۋرالى ءال-جازيرا (Al-Jazeera) اقپاراتتىق اگەنتتىگى جازدى.

ءسۇريا تاراپىنان "حەزبوللا" ۇيىمى مەن ءسۇريا اسكەرى دە "يسلام مەملەكەتى" لاڭكەستەرىنە قارسى شابۋىل جۇرگىزبەك. دەگەنمەن ليۆان اسكەرى سۇريامەن تەررورلارعا بىرلەسىپ قارسى تۇرۋ تۋرالى ەشقانداي كەلىسىم بولماعانىن جەتكىزدى.

ليۆان اسكەرىنىڭ گەنەرالى دجوزەف اۋن: "وسى ۋاقىتقا دەيىن سوعىس الاڭدارىندا كوز جۇمعان، ۇرلانعان جانە جارالانعان بارلىق اسكەريلەردىڭ اتىمەن بۇل وپەراتسيانىڭ باستالعانىن رەسمي حابارلايمىن" ، - دەدى.

وسىدان بۇرىن ليۆاندىق "حەزبوللا" توبى ەلدەگى "دجەبحات ان-نۋسرا" دەپ اتالاتىن تەرروريستىك توپتى شەكارادان اسىرا قۋىپ، ءبىراز ايماقتى بوساتىپ ەدى.

“The Qazaq Times”