فوتو: Reuters.

اقش «يسلام مەملەكەتى» لاڭكەستىك ۇيىمىن جەڭگەننەن كەيىن ءسۇريا اۋماعىندا قالمايدى، دەپ مالىمدەدى اقش مەملەكەتتىك دەپارتامەنتىنىڭ رەسمي وكىلى حەزەر ناۋەرت.

حەزەر ناۋەرت جۋرناليستەر الدىندا سويلەگەن سوزىندە: «ءبىزدىڭ ماقساتىمىز «يسلام مەملەكەتى» ۇيىمىنىڭ كوزىن قۇرتۋ. ودان باسقا ەشقانداي ويىمىز جوق. ءبىز ءسۇريانى اقش ەمەس، باسقا ەمەس، سۇريالىقتاردىڭ وزدەرى باسقارعانىن قالايمىز» - دەگەن.

بىراق بۇعان دەيىن ءسۇريا دەموكراتيالىق كۇشتەرىنىڭ وكىلى تالياليا سەلو Reuters اگەنتتىگىنە بەرگەن سۇحباتىندا اقش اسكەريلەرى «يسلام مەملەكەتى» تەررورلىق ۇيىمى جەڭىلىس تاپقاننان كەيىن دە ءسۇريانىڭ سولتۇستىك اۋداندارىندا قالا بەرەدى دەگەن.

“The Qazaq Times”