رەسەيدىڭ نوۆوسيبيرسك وبلىسىنا قاراستى سلادكوە كولىن قازاقستان يەلىگىنە بەردى، دەپ حابارلايدى نگس نوۆوستي پورتالى.

پورتالدىڭ مالىمەتىنشە، قازاقستان مەن رەسەي اراسىنداعى شەكارانى دەماركاتسيالاۋ جۇمىستارىنىڭ ناتيجەسىندە نوۆوسيبيرسك وبلىسى، كۋپينسك اۋدانىنا قاراستى سلادكوە كولى تولىقتاي قازاقستان اۋماعىنا وتكەن. وسىعان بايلانىستى قازىرگى ۋاقىتتا  وبلىس تۇرعىندارى اراسىندا ءتۇسىندىرۋ جۇمىستارى جۇرگىزىلۋدە. سەبەبى سلادكوە كولىنە اۋدان مەن وبلىس تۇرعىندارىن قوسپاعاندا رەسەيدىڭ وزگە وڭىرلەرىنەن كوپتەگەن ادامدار بالىق اۋلاپ، دەمالۋعا كەلەتىن بولعان.

بىراق كۋپينسك اۋدانىنىڭ باسشىسى ۆلاديمير شۋبنيكوۆتىڭ ايتۋىنشا، سلادكوە كولىنىڭ جارتىسى بۇعان دەيىن ونسىزدا قازاقستانعا تيەسىلى بولعان جانە كولدىڭ اۋدانعا تيگىزەتىن ەكونوميكالىق پايداسى بولماعان. سەبەبى كولدىڭ جارتىسى سۋى تاياز باتپاقتى جەردە ورنالاسقان.

ەستەرىڭىزگە سالايىق، قازاقستان مەن رەسەي اراسىنداعى شەكارانى دەماركاتسيالاۋ ءساۋىر ايىنىڭ 10-ى كۇنى اياقتالعان بولاتىن.

“The Qazaq Times”